AI naqinnernik ilisarinnissinnaanngitsunut iluaqutaassasoq
Atuarnermik allannermillu ilungersunartorsiortunut iliuusissatut pilersaarut siuariartorpoq.
Nunami maani naqinnernik ilisarinnissinnaanngitsut politikerinit iliuuseqarfigerusunneqartuartarsimapput.
Aviisi Sermitsiaq taama allappoq.
Inatsisartut naqinnernik ilisarinnissinnaannginnerup aamma atuarnermik allannermillu ilungersunartorsiortut ikiorniarlugit, nuna tamakkerlugu iliuusissatut pilersaarusiaq 2021-mi akuersissutigaat. Ilinniartitaanermut aqutsisoqarfik, Ilinniartitaanermut Naalakkersuisoqarfiup ataaniittoq, pilersaarummik ineriartortitsillunilu atuutsitsissaaq, ilaatigut kalaallisut naqinnernik ilisarsisinnaanngitsunut misiligummik suliaqartoqarluni.
Tamanna soorunami suliassarujussuuvoq, Nunatsinnimi atuarneq pillugu ilisimatusartoqanngilaq, atuarneq pillugu siunnersorteqarani ilisimasanillu qitiusumik katersiffeqarani, soorlu nunani allani taamaattoq, Mette Larsen Lyberth, Ilinniartitaanermut Aqutsisoqarfimmi suliniummik aqutsisoq, oqarpoq.
- Suleqatigiissitaqarpugulli kalaallisut naqinnernik ilisarinnissinnaanermut misiligummik siunnersuuteqareersumik, aamma maanna taama isikkoqartillugu misiligummik ineriartortitsinissaq periarfissaasorineqarpoq, apeqqutaavorli qanoq ikkumaarnersoq, taanna oqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
