Air Greenlandimi siulittaasoq qaffasissumik atorfittaarpoq

Jens Wittrup Willumsen VisitDenmarkimi siulittaasutut imminut taasinnaalerpoq

52-nik ukiulik Jens Wittrup Willumsen maannakkut imminut taasinnaalerpoq VisitDenmarkimi siulittaasutut. Foto: Leiff Josefsen

Nukappiaaluk Hansen Nukappiaaluk Hansen

Published 2 January 2013 - 07:44

Air Greenlandip siulersuisuini siulittaasoq 52-inik ukiulik Jens Wittrup Willumsen ukiortaamiit VisitDenmarkimi siusinnerusukkut Danmarkimi takornariartitsinermi siunnersuisoqatigiinnik taaguuteqartuni siulittaasunngorpoq.

Taama allappoq travelpeople.dk.

Wittrup Willumsen ukiut qulit missaanni VisitDenmarkimi siulersuisuni ilaasortaasimavoq, taakkunannga ukiuni kingullerni pingasuni siulittaasup tulliatut. Taarserpaa Brian Petersen Københavnip mittarfiani pisortaanerusumasoq.

Ussassaarut

VisitDenmarkimi siulersuisuni siulittaasuunermut atatillugu Jens Wittrup Willumsenip Air Greenlandimi siulersuisuni siulittaasuunera allanngussanngilaq.

isummerneq inuussutissarsiutit