Air Greenlandip isornartorsiuineq eqqunnginnerarpaa
Cimber Sterlingip Aalborgimiit imarik qulaallugu timmisartuussisalerniaraluarluni Air Greenland akorngusersuinerarmagu eqqortuunngilaq.
Cimber Sterlingip paasissutissiisartuata Signe Thorupip Aalborgimiit imarpik qulaallugu timmisartuussisalerniaraluarnerminni Air Greenland akorngusersuinerarpaa, suleqatigiinnissaq pillugu Air Greenland isumaqatigiissuteqarfigisinnaasimannginnamikku.
Tamanna eqqortuunngilaq, Ar Greeland sermitsiaq.ag-mut saaffiginnilluni oqarpoq, isornartorsiorneqarnertillu ajuusaarnarnerarlugu.
– Air Greenlandip arlaleriarluni Cimber Sterling (Sterling-iunikoq) nassatanik Københavnikkoorussisarneq pillugu suleqatigiinnnissamik Danmarkimilu timmisartuussivigisartagaat allat soorlu Aalborg, Sønderborg aamma Karup pillugit isumaqatigiissuteqarfiginiarlugu arlaleriarluni saaffigisarnikuugaluarpaa.
– Tamanna aaqqissuussinikkut iluarsineqarsinnaaviq, ajoraluartumilli Cimber Sterling SAS assiginagu Air Greenlandimik suleqateqarumasimanngilaq, Air Greenland allappoq.
Cimber Sterlingip Air Greenland 2009-imi ukiakkut saaffigisimavaa, nunatsinni mittarfinni nassatalerisarnerup tungaasigut suleqatigiinnissaq pillugu ataatsimeeqatigiumallugu, tamannali Cimber Sterlingip ataatsimiinnissaq taamaatippaa tutsiuteqqiganilu.
– Taamaattumik Cimber Sterlingip Air Greenland pisuutinniarsinnaanngilaa, Cimber Sterlingimmimmi nunatsinni timmisartuussisarnialersaarnerminik taamaatitsinera Air Greenlandip pisuussutiginngilaa, Air Greenlandimi niuernermut pisortaq Udo Glashoff oqarpoq.