Air Greenlandip SAS ikiorpaa
Københavnip Kangerlussuullu akornanni ilaasussat 473-it SAS-imiit Air Greenlandimut nuupput.
SAS-ip Dash-8 Q400nik timmisartuussiunnaarneranik peqquteqartumik SASip Kangerlussuarmut timmisartuussinerit sapaatip akunnerata siulianili unitsippai. SAS-ip Kalaallit Nunaannut timmisartuussissarnermini Airbus 319 atortarsimavaa. Taanna maannakkut Dash-8 Q400t aqqutigisartagaanni atorneqassaaq.
SAS-ip Kangerlussuarmut aqqumminik unitsitsinerata ilaasut 437-it eqqorpai, taakkulu maannakkut Air Greenlandip ingerlaassussavai, Air Greenlandimi timmisartuutileqatigiinni pisortaaneq Michael Binzer ilisimatitsivoq. SAS-ip Kangerlussuarmut timmisartuussisarnini septembarip naanissaata tungaanut ingerlattussaagaluarpaa.
– Kisianni Københavnimiit Kangerlussuarmut aqqummi Air Greenlandip SAS aatsaat ikiulinngilaa. Aasap ingerlanerani SAS arlaleriarluta ikiortariaqartarsimavarput, teknikkikkut ajornartorsiornera pissutigalugu, aammalu SASimiit Kangerlussuarmut kiffartuussinera equngasoqallataarsimammat, Michael Binzer oqarpoq.