Ajunaarnersuarmut sillimaniarneq
Silapilukkaangat pinngortitarsuarlu sakkortugaangat upalungaarsimaneq patajaatsuusariaqarpoq. Amerlanertigut ajorneq ajorpoq. Kisianni »upalungaarsimaniarneq ilungersunartoqarsinnaavoq, atortussaqanngikkaanni, qamuteqanngikkaanni imaluunniit peqataanissamut piginnaaneqarani«.
Inuunerit navianartorsiorpat naatsorsuutigisinnaavat angutit arnallu sapiitsut pikkorissullu annaanniarlutit ilungersussasut.
Upalungaarsimanerli nammineq tamarmi torrallataanngilaq.
Tamanna suliassaqarfimmut pilersaarummi nutaami paasineqarsimavoq.
Aviisi AG taama allappoq.
Mittarfissuassat ammarpata innuttallu nutaat takkussuutilerpata – takornariarpassuillu – siunissami Nuuk upalungaarsimaniarnermi imaannaanngitsunik suliassaqarpoq.
- Nalunngilarpulli ajornartorsiutit suut aaqqittariaqarnerlugit. Aaqqinneqassapput. Mittarfimmut atatillugu upalungaarsimaniarnermut suliaq sukkatsinneqartussaavoq, 2024-llu naalernerani ammarnissaanut inississimassalluni, AG-mut taama nalunaarpoq kommunimi upalungaarsimanermut pisortaq Jes Damgaard Andersen.
Timmisartumik pisut 40
Ungasinngitsukkut kommunalbestyrelsip Kommuneqarfik Sermersuumut upalungaarsimanissamut pilersaarut 2026-mut atuuttussaq saqqummiuppaa, sukumiisupilussuuvorlu, ilami allaat qinnguartartilluni misissuinertut illuni, suut tamarluinnaasa qulaajarlugit:
- Upalungaarsimanermut atatillugu ilungersunartorpassuaqartoq, naammassinissaannut atortussaqartoqarani, qamuteqarani piginnaasaqaranilu, aarlerinarsinnaavoq, nalunaarusiami tamanna erseqqissarneqarpoq.
Aviisimi AG-mi atuarnerusinnaavutit. Aviisi uani pissarsiariuk:
