- Akileraartarnermut aqutsisoqarfik ingerlatsivissuarnik sulissisinnaanngilaq

Kalaallit Nunaanni inatsisit pisariaqartut pigineqanngillat nunat tamalaat akornanni suliffeqarfissuit akileraarutinik peqquserlunnissaannut ingalassimatitsisinnaasunik. Pisortat ingerlatsivinnik sullissinissaminnut immikkut piginnaasaqanngillat, naatsorsuuserisoq oqarpoq

London Miningip kissaatigaa Isukasiani savimminissiorfimmik pilersitsissallutik, Nuummit 150 kilometerinik avannamut kangimukanneq ungasissuseqartumi. Politiken naapertorlugu ingerlatsiviup aaqqissuussaanini allanngortissimavaa. Taamaaliornikkut nunatsinni ingerlatsiviup immikkoortortaa ingerlatsivinnut marlunnut aggululluni Tuluit Kangerliumanersuani nunami akileraarfiunngitsumi Jerseymi angerlarsimaffeqalerpoq. Assiliartaq Isukasiani pilersaarut. Grafik: London Mining

London Mining Greenland

netredaktion (netredaktion@sermitsiaq.ag) netredaktion (netredaktion@sermitsiaq.ag)

Published 1 December 2012 - 11:02

Annonse

Illuatungaani Akileraartarnermut aqutsisoqarfimmi pikkorissartoqartariaqarpoq ingerlatsivissuit ukiumoortumik nalunaarutaannik suliaqartalernissamut.

Taamak naqissusiivoq naatsorsuuserisoq naalagaaffimmit akuerisaq Per Jansen, Deloitte, taanna ukiuni 17-ini Kalaallit Nunaanni naatsorsuuserinermik ingerlatsivoq.

Allaaserisaq tamaat sapaatip akunnerani Sermitsiami saqqummersumi atuaruk, aviisi uani pisiarisinnaavat:

inuussutissarsiutit