Akiliisinnaajunnaarnerup kingorna politiinut tunniunneqarpoq
Aningaasaatilissuup Sven Lysep 1,8 millioner koruunit annaavai illunillu pisisut arfinillit aningaasat qanoq amerlatigisut ilisimaneqanngitsut annaallugit, selskabi illunik niuertoq Nuan ApS akiliisinnaajunnaarmat.
Annonse
Aningaasaatilissuup Sven Lysep Nuummi entreprenøri Jesper Jensen aningaasanik peqquserlussimasutut politiinut nalunaarutigaa, Nuummi Qinngutsinni inissialiornerup ajalusoornerata kingorna.
Jesper Jensenip selskabia Jensen Entreprise ApS sapaatip akunnerani kingullermi akiliisinnaajunnaarpoq, akiliisinnaajunnaarnerminilu Sven Lysep selskabia illunik niuertoq Nuan ApS nassataraa.
Sven Lyse Sermitsiaq Inuussutinut oqarpoq politiinut nalunaarutiginninnermi pineqartut sanaartugassanik tuniniaavimmit sanaartugassanut atortunut fakturat, sanaartorfimmi takussaanngitsut - immaqalu peqarsimanngisaannarlutik.
Sermitsiaq Inuussutit atuaruk.