akiliisinnaajunnaarneq
Akiliisinnaajunnaartoqarnera KNI-mi pisisartunit malugineqassanngilaq
Suliffeqarfiup Senobisip akiliisinnaajunnaarnera pissutigalugu nioqqutissat ikilinavianngitsut KNI-mit qularnaarneqarpoq
Annonse
Naak suliffeqarfik Senobis akiliisinnaajunnaaraluartoq Pilersuisumi nioqqutissaqarluassaaq. Tamanna KNI-p pisortaanit Niels Andersenimit qularnaarneqarpoq.
- Ukiornissaanut pilersaarusiorluarnikuugatta suli nioqqutissaqarluarpoq, oqarpoq.
Nioqqutissat nutaat upernaaru pisiarineqassasut aamma oqaatigaa.
- Taamaattumik pisariaqartinneqassappat pisiortorfissatsinnik ujaasinissarput piffissaqarfigilluarparput.
Aasarumit nioqqutissaalertussat kalaallisut nassuiaatitaqassanersut suli nalunarallarpoq. Pitsaatut KNI-mit Senobisimiillu pigineqarpoq, akiliisinnaajunnaartoqarneranullu Pitsaasut eqqorneqassanngilaq.
- Pitsaasut attatiinnarneqassanersoq nalilersuleruttorparput, Niels Andersen oqarpoq.