Akit assigiinngitsorujussuit: Sodavandimut 2 koruunit
Nuuk Imeq matuppat akit qaffassanngitsut politikerit naatsorsuutigisimavaat. Kisianniakerlianik pisoqarpoq. Nunanut allanut sanilliullugu akit ingasangajapput. AG-p NunaniAvannarlerni aamma Tysklandimi sapaatip-akunneranut neqeroorutit misissorpai.
Sodavand 1.60 koruuninut. Piviusuunngitsutut nipeqarsinnaavoq, kisianni nunani allani tamanna piviusuuvoq. Danmarkimi aamma Tysklandimi immiaaqqanut imeruersaatinullu »sapaatipakunneranut neqeroorutini« akit appartilluinnarneqarsimapput.
Skandinaviami nunat, Savalimmiuni aamma Islandimi AG-p akinik misissuipallannerata tamanna takutippaa.
Aviisi AG taama allappoq.
Pisisartut amerlasuut Kalaallit Nunaanni akit pillugit ingasaginninneranni, nunani Danmarkimi, Sverigemi aamma Tysklandimi pisisartut missingersuutinut annerusumik malunnaateqanngitsumik pisiniarnermut koori immerneqarsinnaavoq.
Assersuutigalugu Danmarkimi Rema 100-mi.
Sapaatip-akunnerata siuliani Remami sapaatip-akunneranut neqeroorutini immiaaraq qillertuusaq ataaseq 4 koruunilerlugu neqeroorutigineqarpoq – Heineken, Carlsberg aamma Royal Export (5,6 procent) pineqarput. Coop 356-imi pisiniarfimmi AG-p misissuiffigisaani tamatuma saniatigut Royal Exportit ullui qaangiuttussatut nalunaarsorneqarsimasut taamaallaat qillertuusamut 3 koruuninik akeqarput. Sodavandit Harbomeersut Remami qillertuusamut ataatsimut 2 koruuninik akeqarput – sodavandillu akikinnerit 2 liiterit 8-9 koruuninik akeqarput.
Sapaatip-akunnerani qaangiuttumi Nuummi Ceres Top immiaaraq qillertuusamut ataatsimut 37 koruuninik akeqarpoq – arfinillit 219 koruuneqarlutik. Danmarkimi pissutsinut sanilliullugu immiaaqqat akikinnerit 8-9-nik tassunga akimut amerlassusillit pisiarineqarsinnaapput.
Aviisimi AG-mi atuarnerusinnaavutit:
