Akit qaffakkiartupiloornerat
Politikerit siunissami akit qaffariarujussuarnissaannut innuttaasut eqqanaarunneqarnissaannutassigiinngitsunik aaqqiissutissaqarput. Assersuutigalugu akitsuutit nikitsaaliornerisigut imaluunniittaarsiissutit matussusiinissamik isumaliutiginninnikkut. Atassullu nunamik maligassiuisumiknassaarsimavoq.
Nunarsuaq tamakkerlugu ilaatigut inuussutissat, ikummatissat sanaartornermilu atortussat akii
qaffakkiartupiloorput,. Aviisi AG taamatut allappoq.
Siumumit ernummatigineqarpoq, nunarput akit qaffakkiartornerannit ungasinngitsukkut tamakkiisumi eqqugaassasoq, taamaammallu pingaartumik pissakinnerusut, ilaqutariit meerartallit, isorliunerusuni najugaqartut aamma aalisartut piniartullu tamatuma kingunipiluinit eqqugaanissaat ernummatigineqarluni.
- Nunatsinni Polar Oil sillimmateqarallartillugu ajornerpaamik suli eqqugaanngilagut ilisimavarpulli piffissami aggersumi akit qaffarujussuassasut. Uuliamut akit nunatsinni qaffappata, kiassarnermut akiligassat qaffassapput, Siumup gruppianit, Ukrainemi sorsunnerup coronamillu nappaalanersuup nunarsuarmi niuernermut sunniutai pillugit apeqquteqaat aallaavigalugu Inatsisartuni oqallisissiamut tunuliaqutaasumit, oqaatigineqarpoq.
Atassup siulittaasua, Aqqalu Jerimiassen, naapertorlugu, nutaamik periuseqartoqartariaqalerpoq. Taassuma ujaqqanik illuliat qisunnik illulianit immaqa pitsaanerunerat tikkuarpaa. Irland isumassarsiorfigineqarsinnaavoq.
- Irland eqqarsaatigilaaraanni, Kommune Kujallertupajaaq nuna angissuseqartoq nammineq
qaarsortatik atorlugit orpinnik atuineq minnerpaaffissaaniitinniarlugu atorluaasorsuupput. Nunap minnerugaluassusaa, taamaattorli innuttaasutik 5 millionit sinneqalaartut angerlarsimaffissaannik sanaartornissaminnut naammattumik pissaqartippaat.
Aqqalu Jerimiassenip inuussutissat akiisa qaffarujussuarnissaat pinaveersimatinniarpaa
nioqqutissanik Danmarkiminngaanniinngitsoq EU-minngaanniinngitsorlu piffissap ilaani
piniartalernikkut. USA Canadalu tamatumani periarfissatsialaapput, taanna oqarpoq.
Politikkerit tamatumunnga qanoq isumaqarnersut AG-mi sapaatip-akunnerani matumani saqqummersumi atuaruk. Ugguuna iserfigisinnaavat: