Akunnittarfik qaamigut sissami aqqusiartalik
Hurtigrutenip piffissaliussaq sipporpaa – maannakkut Tuapannguani nunaminertaq tamakkulerisunut tamanut neqeroorutigineqarpoq.
Matadorimi pilerinartumi inissisimasumi akunnittarfiliornissaq pineqartarpoq, tamatumani immeraateqataasut allat attartornermut akiliisarlutik – Rådhuspladsenimi akunnittarfimmut pisoorluni akisunersaavoq.
Aviisi Sermitsiaq taama allappoq.
Kommuneqarfik Sermersuumi Kommunalbestyrelse kingullermik ataatsimiinnermini kommunimut pilersaarummut tapiliussaq nutaaq inaarutaasumik akuersissutigaa, tassani Nuummi Tuapannguit isuanni nunaminertami pilerinartumi akunnittarfiliornissamut inissaqartitsilerpoq.
Aallaqqaammut Norgemiut umiarsuaatileqatigiiffiata Hurtigruten Tuapannguani 150-inik ineerartalimmik akunnittarfiliornissamut nunaminertamik atugassinneqarpoq, umiarsuaatileqatigiilli ukiuni marlunni killiliussaq sipportoorpaat, tamatuma kingorna siorna kommunip nunaminertamik atugassiineq utertippaa.
Hurtigrutenip »turnarounds«-ini nuunniarlugit pilersaarutigisimagaluarpaa, tamatumani umiarsuit orsersortarlutik, taquassarsiniartarlutik aamma 2024-mi Nuummi mittarfissuaq piareerpat Kangerlussuarmiit Nuummut ilaasut inuttallu paarlattassavaat. Coronami ajornartorsiuteqarnerup suliniuterpassuit qatangiinnartippai, aamma Nuummi Hurtigrutenip akunnittarfissamik suliniutaa, ullumikkut Norgemiut umiarsuaatileqatigiiffiata Islandimi illoqarfiit pingaarnersaat Reykjavik »turnarounds«-iminut atortarpaa.
Piffissami aggersumi kommunip nunaminertaq pilerinartoq taanna neqeroorutigissavaa, tamatumani takornarialerisartut tamarmik neqerooruteqarsinnaapput – aamma Hurtigruten, tassa umiarsuarnik takornariartaatinik maannakkut angallassisarnermini aamma Kalaallit Nunaaliartartussaasoq.
Aviisimi Sermitsiami atuarnerusinnaavutit. Aviisi uani pissarsiariuk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
