Akunnittarfinni unnuisimasut amerlassuaat affaannangajanngorsimasut
Kalaallit Nunaanni akunnittarfinni,vandrehjemminilu unnuisimasut ukiup affaani siullermi 46,5 procentimik ikileriarsimasut, Naatsorsueqqissaartarfimmit ilisimatitsissutigineqarpoq.
Coronap ajornartorsiortitsinera akunnittarfinnut, vandrerhjemminut allanullu takornariartisisarnermik unnuisitsisarnermillu ingerlataqartunut eqquinerlussimaqaaq.
Naatsorsueqqissaartarfimmit ukiup affaani siullermi unnuisimasut pillugit kisitsisit saqqummiunneqaqqammerput, unnuisitsisartunullu tamanna sakkortuumik kingunerlussimavoq.
Akunnittarfinni, vandrerhjemmini unnuisarfinnilu allani unnuisimasut 45.858-iniit 24.553-inut ikileriarsimapput, tasa 46,5 procentimik unnuisimasut ikileriarsimapput.
Akunnittarfinni najugaqarsimasut ikileriarujussuarsimanerat soorunami unnuisimasut amerlassusaannut sunniuteqarsimavoq.
Unnuisimasut 119.865-iniit 69.166-inut ikileriarsimapput. Tassa 42,3 procentinik ikileriarsimapput.
Naatsorsueqqissaartarfik kisitsisitigut paasissutissanik suliaqarnissamut akunnittarfinnit, vandrerhjemminit unuisarfinnillu allanit 49-sunit nalunaarutisisarpoq.
