Akunnittarfinni unnuisimasut coronap atuutilinnginneranut sanilliiullugu amerlanerungaatsiarsimapput
Naatsorsueqqissaartarfimmit kisitsisit kingulliit takutippaat, 2019-imi coronap atuutilinnginneranut sanilliullugu nunami akunnittarfinni unnuisarfinnilu ukioq manna unnuisimasut 21.2 procentimik amerlanerusimasut.
Coronap nunarsuarmi tuniluunnerata nalaani akunnitarfinni inissisimasut unnuisimasullu amerlavallaarsimannginnerat pissutissaqarluarpoq. Tamatumali kingorna unnuisartut amerliartuinnavissipput - 2019-imulli unnuisimasut aamma tallimariaatinngorlutik amerlisimaffiannut sanilliullugu ukioq manna Kalaallit Nunaanni akunnittarfinni unnuisimasut amerlanerungaatsiarsimapput.
Naatsorsueqqissaartarfimmit kisitsisit kingulliit tamanna takutippaat.
Ukiup 2022-p qaammataani siullerni qulingiluani 108.478-iusut akunnittarfinni unnuisimapput, Kalaallilli Nunaanni akunnittarfinni, unnuisarfinni allanilu 47-usuni unnuinerit 265.576-iusimallutik.
2019-imili qaammatinut siullernut qulingiluanut sanilliutissagaanni akunnittarfinni unnuisimasut 20,5 procentimik allanilu unnuisimasut 21.2 procentimik amerlanerusimapput. Ilulissanili aamma Kangiani akunnittarfinni unnuisimasut ikileriarsimanerat eqqaassanngikkaanni, Kalaallit Nunaanni tamarmi unnuisimasut amerlisimapput.
Kommuneqarfik Sermsuup Kitaani tamanna immikkut maluginiagassaavoq.
2022-p qaammataani siullerni qulingiluani, 2019-imut sanilliullugu, unnuisimasut 62.4 procentimik amerlanerusimapput. Akunnittarfinni unnuisimasut 67,6 procentimik amerlanerusimallutik.