Alcoa pillugu oqallinneq ornigarneqarluartoq
Inuit 120-150-it Maniitsumi aluminiuliorfiliornissap kingunerisinnaasai pillugit innuttaasunut ataatsimiisitsinermi takkupput.
Maniitsumi ATI-p atuarfiani sisamanngormat unnukkut innuttaasunik ataatsimiisitsisoqarpoq Bjarne Lyberth-Apapsip suliniuteqarneratigut. Alcoa aatsitsiviliornissamullu pilersaarutit pillugit oqallittoqarpoq.
Inuit120-150-it Alcoamut suliniummut akerliusut illersuisullu takkupput. Pavis Petersen innuttaasunik ataatsimiisitsinermi peqtaasut ilagaatm oqallinnerulu ataqqeqatigiittumik ingerlanneqarsimanera Sermitsiamut unnerpaa.
Bjarne Lyberth-Apapsip nunatsinni aluminiumik aatsitsiviliornerup aningaaqaarnikkut sulisoqarnikkullu kingunerisinnaasai pillugit naatsorsuusiani saqqummiuppai. Kisitsisinit maannamut saqqummiunneqartarsimasunit allaanerupput. Bjarne Lyberth-Apapsip oqaatigaa Islandimi aluminiuliorfimmiit kisitsisit tunngavigalugit naatsorsuusiorsimalluni, taannami Maniitsumi suliariniarneqartup angeqatigaa.
Alcoamut suliniummut tunngatillugu annertunerusumik nalinginnaasumik paasissutissiisoqarnissaa ataatsimiinnermi oqaatigineqarpoq. Ilaatigut isumaginninnikkut, inuiaqatigiit inuunerannut, avatangiisinut, peqqissutsimut attaveqarnikkullu kingunerisassai pillugit.