Aligoqqinnik ujaasineq qulimiguulik atorlugu
Nunamineralsip aallarniutaasumik Nuup eqqaani aligoqqinik msissuinera iluatsilluarpoq.
Nuummiit 100 kilometerinik kujasinnerusumi Tikiusaami kiisalu Nuummiit 130 kilometerinik kangimut avannarpasinnerusumi Qaamasumi maannakkuugallartoq aligoqqeqarneranik misissuinikkut angusat Nunamineralsimit qiimmaallaatigineqarput.
Misissueqqissaarnerit takutippaat sumiiffiit taakku aligoqqeqarsinnaasut. Nunamineralsillu eqqarsaatigaa kajungerisaq atorlugu uuttortaanerit qulimiguulik atorlugu ingerlattalerniarlugit, piginneqatigiiffik ataasinngormat nalunaarpoq.
- 2010-mi angusat pitsaasut taakku NunaMineralsimiit ingerlateqqissallugit naatsorsuutigaarput. Tikiusaami aligoqqeqarfiit qanoq peqartigineranut atagillugu sumiiffilersuisoqassaaq. Qaamasumi aligoqqeqarfippassuit sumit aallaaveqarnersut misissorneqassalluni. Anguniakkat anguniarnissaannut kajungerisaq atorlugu uuttortaanerit qulimiguulimmik ingerlannissaat nalilersorparput, piginneqatigiffik nalunaarpoq.
– Tigulaakkat siulliit uppernarsivaat sumiiffiit taakku marluk aligoqqeqarsinnaaneranik periarfissaqarluartut, pisortaq Ole Christiansen oqarpoq.
Nalunaarummi aamma allassimavoq Nunaminerals suleqatissarsiortoq suliniutini taakkunai nutaani suleqataarusuttunik.