Alluitsup Paani soraarsitsiortornerit
Qaammatip matuma siuliani raajanik tunisassiortoqarunnaarnerani ONC Polarip Alluitsup Paani fabrikkianit sulisut 50-it soraarsinneqartariaqarsimapput.
Annonse
Fabrikkimut tunisassiassanik tulaassuinermi ajornartorsiutit tunisassiorunnaarnermut pissutaapput. Ilaatigut aalisarnerliortoqarpoq ilaatigullu tunisassiassat fabrikkimut assartorneqartarneranni ajornartorsiuteqartoqarpoq.
Juulip qaammataaniit fabrikkimi saarullinnik tunisassiulernissaq siunniunneqarpoq.
- Sulisulli qassit pisariaqartissanerivut suli nalunarpoq. Kingusinnerusukkut tamanna aatsaat paasissutissiissutigisinnaavarput, fabrikkip pisortaa, Gorm Revmann, oqarpoq.
Soraarsitsiortornerit nunaqarfimmut eqquinerlupput, tassami ONC Polarip fabrikkiata saniatigut Alluitsup Paani nunami allanik suliffissaqanngilaq.