Ammaassineq Tunumi takornarialerisunut iluaqutaanngilaq
Savalimmiormiut Islandimiullu misissorteqqaaratik mattusimaqqaaratilluunniit Kalaallit Nunaannut killeqanngitsumik angalasinnaapput. Kisianni tamanna Tunumi takornarialerisunut iluaqutaanavianngilaq, Reykjavikip Kulusuullu akornanni timmisartuussisoqartanngimmat.
Innuttaasut Islandimeersut Savalimmiuneersullu covid-19-imut misissorteqqaarnatik Kalaallit Nunaannut killeqanngitsumik angalasinnaalerput. Kalaallit Nunaannut tikinnermi aamma mattusimagallarnissaq misissorteqqinnissarlu piumasaqaataanngillat. Taamatuttaaq angalasut qanoq amerlatigisut tikissinnaanerat killiliiffigineqarsimanngilaq.
Angalasulli sivikinnerpaamik ulluni 14-ini Islandimiissimasussaapput Savalimmiuniissimasussaallutillu.
Islandimiunut Savalimmiormiunullu angalanissamut maleruagassat nutarterneqarnerannut tunuliaqutaasoq tassaavoq nunani taakkunani marlunni coronartoqarunnaarsimanera.
Suliniulli tamanna Tunumi takornarialerisunit qiimmattaatigineqanngikkallarpoq.
– Air Iceland kaammattorneqarsimavoq Reykjavikimit Kulusummut ingerlaarfik matoqqateqqullugu, taamaammat pissusiviusuni tikinneqarsinnaanngilagut, Arctic Dreamip pisortaa, Lars Anker Møller, oqarpoq, ammaasinerlu pillugu periusissiaq pillugu ersarinnerusumik oqariartuuteqartoqarnissaanik aamma ujartuilluni.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: