Angalanissat suli 3000-it tuniniarpai

Air Greenlandip tigusinnaasani annertusaralugit Atlantikoq qulaallugu timmisartuussinerit 2008-mi aasaq kingullermut sanilliullugu angalanerit 3000-inik ilallugit tuniniarpai. Pingaartumik Kangerlussuup Københavnillu akornanni pingasunngornikkut arfininngornikkullu timmisartuussisarnerit ukioq manna sivitsorneqarput. Taamaaliornikkut atuartut aasaaneranni atunanngiffeqarnerisa aallartinnerannut naanerannullu atatillugu inissaqarnerulissaaq.

- Nunarsuarmi aningaasaqarnikkut ajornartorsiortoqaraluartoq ukioq manna Kalaallit Nunaannut tassanngaaniillu angalanerit amerlanerit tunisinnaanissaat upperaarput. Ingerlaarfimmi tassani ilaasugut amerlanernik periarfissillugit unammillertigut ingalassimaartinniarpagut, taamak Air Greenlandip aningaasarsiornermut pisortaa Udo Glashoff oqarpoq.

Qaammatit juuni, juuuli aamma aggutsi Air Greenlandip angallannikkut ingerlaarfiginerpaaffigisarpaa.