Assigiinngisitsillutik nassuerutigaat
Peqqissaasut kattuffiannut PK-mut isumaqatigiissutertik Namminersorlutik Oqartussat unioqqutippaat, peqqissaasut Hollandimiut bonusisinneqariaraluarmata.
Annonse
Aningaasat peqqissaasunut Hollandimiunut Kalaallit Nunaanni 2010-miit atorfininnerannut atatillugu akiliutigineqartussaagaluarput.
Taamalli aaqqissuussineq sulisut peqatigiiffiata Namminersorlutik Oqartussallu isumaqatigiissutaannik unioqqutitsineruvoq, sulisitsisut sulisuminnik assigiimmik pinninnissaminnut pisussaaffeqarmata.
Taama illuatungeriit tusagassiuutinut nalunaaruteqarput.
Bonusisiassaq, 93.000 kronit tungaanut annertussusilik Hollandimi sulisussarsiortarfiup peqqissaasunut akiliutiginiaraluarpaa peqqissaasut qallunaatut pikkorissarnermut ilaanerannut akiliutitut. Taamaliornerli eqqortuunngitsoq Namminersorlutik Oqartussat nassuerput.
Taama nassuerneq PPK-p ilaasortaanut allanut, soorlu juumuunut, aamma kinguneqassaaq.