pisisartut-AWG
Assit takukkit: Nanortalimmi Paamiunilu AWG-araq
Illoqarfinni taakkunani marlunni Brugsenit issittumi unammiuaartitsinitik namminneq aaqqissuuppaat
Arctic Winter Games kikkut tamarmik oqaluuseraat. Tallimanngormallu Nanortalimmi Brugseni Arctic Winter Gamesiaqqamik innuttaasunut aaqqissuussivoq, aqaguanilu Paamiuni taamaaliortoqarpoq.
- Arctic Winter Games tapersersorparput. Naak unammiuaarnerit Nuummi ingerlanneqartussaagaluartut, aalajagersimavugut aaqqissuussaq immikkuullarillunilu angisuup maani illoqarfitsinni aamma malunnartinniarlutigu, pisiniarfimmi pisortaq Zasca Eriksen Nanortalimmeersoq oqarpoq. Paamiuni pisiniarfiup pisortaa Anna Jette Poulsen isumaqataavoq.
Noqqoruunneq
Nanortalimmi noqqoruutsitsisoqarpoq, naatsiiaaserluni oqilaniutsitsisoqarluni arsaattoqarlunilu, pisiniat målinut eqqoriaasinnaasimallutik.
Paamiuni inuit pinnguaataannik unammisitsisoqarpoq, ilaatigut aamma noqqoruunnertalimmik.
Atuaruk: AWG2016-imut Brugseni aningaasaleeqataavoq
Kajumissutsiminnik ikiuuttut
Brugsenip niuertarfiini tamani qaammatini kingullerni pisiniartartunut ilaasortanullu annikitsunik aaqqissuussinikkut Arctic Winter Games malunnartinniarneqarsimavoq. Ullualuillu qaangiuppata sinerissami pisiniarfinneersut arlaqartut kajumissutsiminnik ikiuukkiartorlutik tikissapput.
Uuma ataani assit takukkit