aatsitassat
Atassutip True North Gems pilluaqquvaa
- Sulilluarisi, True Norh Gems Qeqertqrsuatsiaat eqqaanni rubin-inik piiaanissaminut akuersussumik tunineqarnera pillugu Atassut pilluaqqusivoq
True North Gems-ip Qeqertarsuatsiaat eqqaanni rubin-inik piiaanissaanut akuersissummik tunineqarsimanera Atassutip nuannaarutigaa.
– Iluarisimaaqaarput True North Gems akuersissummik tunineqarpat, nuannaarutigaarpullu selskabip sanaartornerup ingerlatsinerullu nalaanni kalaallit sulisartut sapinngisamik amerlanerpaat atorniarmagit, Atassutip siulittaasua Gerhardt Petersen oqarpoq.
– Suliffeqarfiup sulisuisa akileraartarnerisigut aammalu piiarneqartut tunngavigalugit suliffeqarfiup nunatta karsianut akiliutigisartagassai tamanit naammaginarsinnaasumik aaqqiivineqarsimammata, tamanna ATASSUT-mit ilanngullugu iluarisimaarparput, Gerhardt Petersen tamanna iluarisimaaqalugu allappoq.
Pilluaqqussummini Gerhardt Petersen aamma nunaqaamminut kajumissaaruteqarpoq:
– Tamatta ilisimaarivarput Qeqertarsuatsiaat eqqaani rubineqarfiup saniatigut nunarput ujaqqanik erlinnartunik assigiinngitsunik annertuumik toqqortaateqartoq, siunissaq eqqarsaatigalugu neriulluinnarpugut nunaqavissut piiaanissaq siunertaralugu suliniuteqarluartarumaartut, taamaaliornikkut pisuussutit atorluarneqarneri sapinngisamik annerpaamik nunatsinnut inuinullu iluaqutigineqarsinnaassammata, Gerhardt Petersen oqarpoq.