Avaleraasartuunik aalisarneq: Suli arlaannaalluunniit pisaqanngilaq
Kalaallit aalisariutaat ukioq manna Tunumi avaleraasartuunik aalisaraluarlutik suallanngitsoorput. Kalaallit aalisariutaat maannakkut nunat tamalaat aalisarfigisinnaasaanni Smuthav-imi Kalaallit Nunaata Norgillu akornanni aalisarput.
Ukiut tulleriit marluk manna tikillugu avaleraasartuunik aalassarissunik Tunup avataani suli pisaqartoqanngilaq, 2020-mi taamaallaat 14 kilut pisarineqarput.
Aviisi Sermitsiaq taama allappoq.
Juunip naalerneranit juulip qeqqata tungaanut kalaallit kilisaataat kalaallit nunaata imartaani aalisagarsioraluartut suallanngitsoorput.
Tamatuma kingornatigut kalaallit aalisariutaat aalisakkanik assigiinngitsunik aalisarsinnaasut aalisakkanik ingerlaartuartunik malersuigaluarput, avaleraasartuunik Smuthav-imi imaluunniit “Banan-imik” taaneqartartumi aalisarput.
Imartaq tamanna nunat tamalaat imartaraat Barenshavimiittoq Kalaallit Nunaata Norgillu akornanniittoq kujammut Smuthavet Savalimmiut avannaanni 200 sømilinik killeqarfeqartoq.
Angallatinit arfineq pingasuusunit arfineq marluk kalaallit umiarsuaatileqatigiit pigisaat pisatik Savalimmiunut tulaattarpaat, Ilivilerli Arctic Prime Fisheriesip pigisaa Islandimut pisaminik tulaassisarluni.
Aalisarnermut Piniarnermullu Naalakkersuisoqarfiani aggustip ulluisa tallimaanni naatsorsuinerup takutippaa kalaallit angallataasa aalisakkanik assigiinngitsunik aalisarsinnaasut aamma kilisaatit qerititsivillit 12.000 tonsinik pisaqarsimasut. Naalakkersuisunit kalaallit aalisariutaannut 60.000 tonsit pisassiissutigineqarsimapput.
Aviisimi Sermitsiami atuarnerusinnaavutit. Aviisi uani pissarsiariuk: