Avannaani ingerlatsivik nutaamik siulittaasortaarpoq
Avannaata Kommunia illoqarfiit ineriartortinnissaannut ingerlatsivimmini siulersuisunik paarlaassuivoq
Henrik Svend Græsdal aamma Jens Peter Pars avannaata illoqarfiit ineriartortinnissaannut ingerlartsiviani, Avannaa Development A/S-imiikkunnaariasaarput.
Suliffeqarfiup nalunaarsuiffiani erserpoq, Frank Olsvig Bagger aamma Niels Hansen Damm taarsiullugit kommunip inississimagai, taakkunannga kingulleq taaneqartoq siulersuisuni siulittaasutut toqqarneqarsimalluni.
Paarlaassuineq novembarip 27-at aallarnerfigalugu atuutsinneqalerpoq – tassa imaappoq ataasinngormat.
Ineriartortitsinissamut ingerlatsivik siunertaqarpoq ineriartortitsisussatut, sanaartortussatut, aammalu Udviklingsselskabet har til formål at udvikle, anlægge, eje og drive bolig-, ejendoms- og investeringsprojekter i Avannaata Kommunia.
Millionilikkaanik amigartooruteqartoq
Ineriartortitsinissamut ingerlatsivik ukiumi naatsorsuusiorfimmi kingullermi 2022-mi 1,3 millionit koruuninik amigartooruteqarpoq, ukiup siuliani 2,4 millionit koruuninik sinneqartooruteqartoq. Pitsaanngitsumilli angusaq pisortanit ernummatigineqanngilaq, nassuiaassippullu amigartooruteqarneq ingerlatsiviup illuutaasa nalikillineqarneriniit appaanerniillu kisimi tunngaveqartoq.
- Ingerlatseqatigiiffik sunniuteqarluartumik aaqqissuussaalluni ingerlalluarneqarpoq, ukiumoortumik naatsorsuutit kingulliit apriilimi saqqummiunneqarmata aqutsisut nalunaarutiminni allapput.