Silami inuussutissarsiutigalugu imminnut
pilersortut nalunaaquttap ingerlaarfiata allanngorsimanera ingerlaannaq maluginiarsimavaat,
ingammik piniartut aalisartullu seqerngup kaaviaaginnalerfianiittut
kaperlattartumiittullu. Aalisartoq piniartorlu Ole “Olinnguaq” Kristensen nunatsinni
nunaqarfinni avannarpasinnerpaat ilaanniittumi Savissivimmi silap taartarnerusalernera
maluginiarsimavaa.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Silami inuussutissarsiutigalugu imminnut
pilersortut nalunaaquttap ingerlaarfiata allanngorsimanera ingerlaannaq maluginiarsimavaat,
ingammik piniartut aalisartullu seqerngup kaaviaaginnalerfianiittut
kaperlattartumiittullu. Aalisartoq piniartorlu Ole “Olinnguaq” Kristensen nunatsinni
nunaqarfinni avannarpasinnerpaat ilaanniittumi Savissivimmi silap taartarnerusalernera
maluginiarsimavaa.
- Taarsisaleraangat
ajornartorsiutigilertarparput, soorlu pisiniarfimmik ammarsiisarnerput
eqqarsaatigalugu, tassani qaamanerup nikingavallaarnera malunnartarpoq, Ole
Kristensen oqarpoq.
Nunaqarfimmi Savissivimmi pisiniarfik
Pilersuisoq qulingiluaniit pingasut tungaanut ammasarpoq, piniartut
aalisartullu ilaanneeriarlutik pisiniarfik ammarseeqqaartaarsimavaat
aallarnissaminnut orsussarsiniassagamik taquassarsiniarlutillu.
- Nalunaaquttap nikeqattaarneratigut
qaamaneq nikeqataasarpoq. Orsussarsiniarnerit taquassarsiniarnerillu
kingusippallaalertarneri ajoqutaasarpoq, taarsisalerneratigut tamanna
sunniuttarami, Ole Kristensen oqarpoq.
1 time-nnaagaluaq annertoqaaq
Piniartoq aalisartorlu Thomas Lukassen
Qeqertarsuarmeersup Ole Kristensenip isornartorsiutai ilaliinnarpai.
- Sunniuteqarnikooqaaq,
kaperlaleruttorfiani ullaakkut taartalernerani qaammarsiinersuaq
atugarilernikuuarput. Nalunaaquttap nikerujussuarneratigut ilaanni
kingusissorujussuakkut aatsaat aallartalernikuuvugut, Thomas Lukassen oqarpoq.
Nunatsinni sumiiffik apeqqutaalluni seqineq
nalinginnaasumik ataatsip marlullu eqqaani qilammi
qullasinnerpaaffissaminiittarpoq, maannakkut nalunaaquttap ingerlaarfia UTC
-3-miit UTC -2-mut nuunneqarnerata kingorna seqineq pingasup missaani qilammi
qullasinnerpaaffissaminiittarpoq. Tamannalu Qeqertarsuarmiit
malunnaataasimaqaaq.
- Sungiusimasanninngaanniit
iluaannerujussuuvoq, soorlu pingasunngoriartornerani aatsaat seqerngup
qullasinnerpaaffia malugisinnaasaratsigu. Unnuami pigaarnersuaq aamma,
ullaakkut aallajaartussaagaluarluni unnuakkut eqqumasariaqarneq taanna
sungiusimagatsigu, Thomas Lukassen oqarpoq.
Nalunaaquttap ingerlaarfia kingumut uterteqqinneqarnissaanut
inuppassuit assigalugit Thomas Lukassen isumaqataavoq.
- Nalunaaquttap iniminut
uterteqqinneqarnissaa isumaqatigisorujussuuara. Inoriaatitsinnut
allannguisorujussuuvoq, naak nalunaaqutaannannguugaluarluni nalunaaquttamik
naalagaqaratta qanoq annertutigisumik sunniuteqartigisoq malugivara.
Aalisartuugama sukkulluunniit aallarsinnaagaluarpunga, kisianni soorunami
nalunaaqutaqartariaqarpugut. Qasuersaalaarnissamut piffissaq
iluaattorujussuanngornikuuvoq, Thomas Lukassen oqarpoq.
