Avannaata
Kommuniani illoqarfinni naluttarfiit ammaannartut aasaanerani
atorneqarsinnaasut pilersinneqarnissaat pillugu suliaq aallartinneqarpoq,
taakkulu assersuutigalugu atuarfeqarfimmiit peqqinnissaqarfimmiillu
atorneqarsinnaasut siunnersuuteqartoq Avannaata Kommuniani 1. viceborgmesteri
aamma Inatsisartuni ilaasortaq, Jens Napãtôᴋ', Naleraq, oqarpoq.
Aningaasaliisussanik
pissarsiortoqassasoq
Avannaata
Kommuniani illoqarfinni naluttarfiit ammaannartut aasaanerani
atorneqarsinnaasut pilersinneqarnissaat pillugu suliaq aallartinneqarpoq,
taakkulu assersuutigalugu atuarfeqarfimmiit peqqinnissaqarfimmiillu
atorneqarsinnaasut siunnersuuteqartoq Avannaata Kommuniani 1. viceborgmesteri
aamma Inatsisartuni ilaasortaq, Jens Napãtôᴋ', Naleraq, oqarpoq.
Aningaasaliisussanik
pissarsiortoqassasoq
Avannaata
Kommuniani illoqarfinni ammaannartunik naluttarfiliortoqarnissaa pillugu
siunnersuut kommunalbestyrelsip tamarmiusup taperserpaa, suliassarlu
Teknikkimut Ataatsimiititaliami oqaluuserineqareerpat, Aningaasaqarnermut
Ataatsimiititaliamut ingerlateqqinneqassaaq, kingornalu kingusinnerpaamik
aappaagu martsimi kommunalbestyrelsimi oqaluuserineqassalluni.
- Naluttarfiit
pilersinneqarnissaannut atatillugu aningaasaateqarfiit assigiinngitsut
aningaasaliisinnaanerat misissorneqassaaq, taassuma saniatigut Avannaata
Kommunia nammineerluni qanoq annertutigisumik aningaasaliisinnaanera aamma
oqaluuserineqassaaq.
- Siunnersuutiga
nuannaarutigalugulu tupaallaatigeqisannik tamakkiisumik taperserneqarpoq,
suliarlu ataatsimiititaliani suliarineqareerpat piviusunngortinneqarnissaa
siunertaralugu inaarutaasumik kommunalbestyrelsimi ukioru oqaluuserineqassaaq,
taanna oqarpoq.
Assigiinngitsunut
atorneqarsinnaasoq
Naluttarfiit
pinnguartarfittut taamaallaat atorneqaratik assigiinngitsorpassuarnut
atorneqarsinnaasut siunnersuuteqartoq isumaqarpoq.
- Avannaata
Kommuniani assersuutigalugu nunaqarfinni ineriartortitsinissamut
aningaasarpassuit pisariaqartinneqarput. Taamaattumik naluttarfiit Nuummi
naluttarfittut ittut millionerpassuarnilu akeqartut pilersinneqarnissaat uani
eqqarsaataanngilaq, taamaattorli naluttarfiit ammaannartut aasaaneranilu
atorneqarsinnaasut uani siullermik pineqarput.
- Naluttarfiit
assigiinngitsorpassuarnut atorneqarsinnaapput. Avannaani imaatigut angallanneq
ulluinnarsiutaavoq, taamaattumik meeqqat aallaqqaataaniik nalunnermik ilinniartinneqartarnissaat
pisariaqarpoq. Tassungalu atatillugu naluttarfik atuarfeqarfimmiit
atorluarneqarsinnaavoq aammali peqqinnissaqarfimmiit atorneqarsinnaanera
takorloorneqarsinnaavoq, Jens Napãtôᴋ' oqarpoq.
Taassuma
saniatigut naluttarfiit pinaveersaartitsinermut atorluarneqarsinnaasut
siunnersuuteqartoq isumaqarpoq.
Siunnersuut
tapersersorneqartoq
Avannaata
Kommuniani kommunalbestyrelsimut ilaasortaq Qaanaaminngaanneersoq Ujuut Olsen,
Siumut, Qaanaami naluttarfiliortoqarnissaa pisariaqartinneqartoq isumaqarpoq.
- Qaanaami
imaatigut angallanneq annertuumik atugaavoq, taamaattumik meeqqat
isumannaatsumik avatangiiseqarlutik nalunnermik ilinniartinneqartarnissaat
pisariaqarpoq, taassumalu saniatigut pinaveersaartitsinermut
atorneqarsinnaanissaa takorloorneqarsinnaavoq, taanna oqarpoq.
2019-imi
Kommuneqarfik Sermersooq Ittoqqortoormiini silami naluttarfimmik pilersitsivoq.
Inatsisartunut ilaasortap Ittoqqortoormiininngaanneersup Mette Arqe-Hammekenip,
Naleraq, oqarnera naapertorlugu Ittoqqortoormiini naluttarfik meeqqanik
sammisassaqartitsinermut annertuumik iluaqutaasimavoq
- Naluttarfik
meeqqanit angajoqqaaniillu atorluarneqartarpoq. Meeqqat
naluttarfimmiissimatillutik nuannaarlutik atuariartortarput, taamaattumik
naluttarfik pinaveersaartitsinermut annertuumik iluaqutaasoq isumaqarpunga,
Mette Arqe-Hammeken sisamanik qitornaqartoq ilinniartitsisuusorlu oqarpoq.
Avannaata
Kommuniani illoqarfinni naluttarfiliortoqarnissaanik pilersaarut meeqqat
inuusuttut ilaqutariillu inuunerinnerulernissaannut
aqqutissiuusseqataasinnaasoq, taamaattumillu isumassarsiaq tapersersorini,
taanna erseqqissaavoq.
