Avatangiisinik illersuiniaqatigiiffik: Oqartussat nukittuumik inissisimapput
Energy Transition Mineralsip Danmarkimut Kalaallillu Nunaannullu isumaqatigiissitsiniarnermik suliaq ingerlataa, piiaanissamut akuersissummik pisinnaatitaaffiginngisaminnik pissarsiniarluni Namminersorlutik Oqartussanut ileqqorissaanngitsumik tatisiniarluni taamaallaat siunertaqarpoq, kammeradvokati illersuilluni allakkamini allappoq.
Tusagassiorfiit avatangiisinillu illersuiniaqatigiiffiit arlallit Greenland Mineralsip ingerlatseqatigiiffiutaanut Energy Transition Mineralsimut (ETM) oqartussat illersuinerminni allagaat takusinnaavaat. ETM-ip piumasaqaatigaa Kuannersuarni piiaanissamut akuersissummik tunineqarnissaq – imaluunniit Danmarkip Kalaallit Nunaatalu 80 milliardit koruuninik taarsiiffigineqarnissaq.
Aviisi Sermitsiaq taama allappoq.
Suliami allakkiat - ilaatigut danskit oqartussaasuisa maalaarummik akissuteqarnerannik Naalakkersuisullu maalaarummik akissuteqarnerannik imaqartut - nassuiaatigaat isumaqatigiissitsiniarnermik suliaq Danmarkimi Kalaallit Nunaannilu inatsisinut naapertuutinngitsoq kiisalu Greenland Mineralsimut misissuinissamut akuersissummik tunineqarnermi piumasaqaatini nalinginnaasuni aaqqiagiinngissutinik aaqqiissutissatut allassimaffik unioqqutinneqartoq. Allakkiat taakku marluk Kammeradvokatimit allagaasut, Energy Transition Mineralsimit piumasaqaatit itigartinneqarnissaannik tunngavilersuipput kiisalu danskit oqartussaannik aamma Naalakkersuisunik pinngitsuutitsissasut.
Aviisimi Sermitsiami atuarnerusinnaavutit. Aviisi uani pissarsiariuk:
