Pilersuisoq
Bananit piiarpai
Isumannaatsuunissaq pissutigalugu KNI-p pisiniarfimminit bananit tamaasa piiarpai
Ulluni makkunani inuit naapittarfiisigut - ilaatigut Facebook-ikkut - nutaarsiassaq siammarterneqarpoq, tassa bananit pisiniarfinni tuniniarneqartut aammik HIV-mik tunillassimasumik akoqartut.
KNI A/S Facebookimi quppernermini allappoq bananit tamakkua aattaqarnerannut uppernarsaatissaqanngitsoq.
Isumannaatsuunissaq pissutigalugu
Isumannaatsuunissarli pissutigalugu KNI-p bananit tamaasa piiaarsimavai, bananit Pilersuisup pisiniarfiinit tuniniarneqartut ajoquteqanngitsut pilersuisuminit uppernarsarneqarnissaata tungaanut.
Bakteeria aalajangersimasoq
Bananit kigutaanni qalipaat aappalaartoq, Mokillo, bananip inerikkiartorneranit pisuuvoq, bakteerissamit aalajangersimasumit, paarnamik saassussisumit, pilersinneqartoq. Tamanna pissutigalugu aappalaartumik qalipaatinittarpoq, syremit bananimik kajortunngortitsisartumit.
Aappalaartumik qalipaateqarmat mamarunarpianngilaq, imaanngilarli tunillaannermik siaruaaniarluni bananit piaaraluni aammik akoorneqarsimasut.