Betoninit katitertakkat sanaartorneq sukkanerulersippaat
Betoninit katitertakkat uffarfiillu immikkoortutut ineriikkatut sanaat Kalaallit Nunaannisanaartornerup pitsaanerusumik ingerlannissaanut aqqutissaapput. Betoninilli katitertakkanutnunaminernik inissiiffissaaleqineq, illoqarfiillu akornanni pilersuinerup akisunera pissutigalugitineriartorneq tamanna unammilligassinneqarpoq, entreprenøri oqarpoq.
Assigiinnangajappaa pinnguaatinik ikkussortakkanik lego-nik sananeq. Toqqaasoqassaaq.
Sanaassaq naqqaniit ikkussortakkat ataasiakkaarlugit katiterlugit sananeqassaaq, sanaap
naammassinissaata tungaanut. Imaluunniit sanaassap immikkoortortai tamaasa immikkoortillugit sanariarlugit naggataatigut ataatsimoortunngorlugit katiterlugit.
Betonimik illuliornertut. Immikkoortut sanaartorfimmi toqqaannartumik ilusilersuiffimmut kuillugit sananeqarsinnaapput, imaluunniit betoninik katitertakkat fabrikkimi kuitsivinni sananeqarsinnaapput, tamatumalu kingorna sanaartorfimmukaallugit ikkussorlugit.
Kalaallit Nunaanni betoninik katitertakkanik sanaartoriaaseq atorneqaleriartorpoq – pingaartumik pissutigalugu namminersorlutik oqartussat sanaartoriaatsip taassuma atorneqarnissaa kissaatigimmassuk. Aviisi Sermitsiaq allappoq.
Uffarfiit ineriikkat saqqummiunneqartut
Nuummi MT Højgaardip betoninik katitertakkat aamma sammilersimavai. Qinngutsinni betoninik katitertakkanik fabrikki sanallugu maanna naammassineqarsimavoq suliassanullu siullernut pilersuisinnaalerluni, Nuummi Hotel Nordbop nutaamik sanaartorniagaanut katitertakkat 150-it, Maniitsumilu inissianik nutarterinissamut katitertakkat 850-it.
Tamatuma saniatigut MT Højgaard – Kalaallit Nunaanni siullersaalluni – uffarfiit ineriikkat saqqummiuppai, taakkualu Nuummi Jagtvejimi inissialiani »Qatanngutigiit pingasut« ikkussorneqassapput.
– Fabrikkertaatsinni betoninik katitertakkanik sananissamut atortut maanna piareersimapput.
Sanaartugassat aallartinnissaannut sanaartortitsisup siunnersuisua utaqqiinnarparput, Nuummi
MT Højgaardimi immikkoortoqarfimmi pisortaq Kim Ulrik Hansen oqarpoq.
Aviisimi Sermitsiami paasisaqarnerugit. Ugguuna iserfigisinnaavat: