Biilerujussuit Kalaallit Nunaanni piumaneqartuarsinnartut

Biilini usisarfilinni siuttoq. Toyota Hilux Kalaallit Nunaanni biilit nuannarineqarnerpaat ilagiuarsinnarpaat, Nuummi sinerissamilu. Tamannalu AutoNordimi tuniniaanermut pisortap Bo Eder-Jensenip paasilluarsinnaavaa, namminermi ukiorpassuarni Hiluximik biilertarpoq. 

– Inuinnaat inuussutissarsiortullu akornanni biilinik angisoorsuarnik usilerfissalinnik pisariaqartitsisoqarluarpoq. Immaqa umiatsiamit tuttut sisamat angerlamut assartorneqassapput, imaluunniit ikinngutit nuunneranni ikiorneqassapput. Aammattaaq suliffeqarfeeraatillit soorlu innaallagisserisut, sanasut allallu atortunik sanaartornermullu atortussanik assartuisartut Hilux inissaqarluartoq nuannarisarpaat. – Hilux-era 1992-imeersoq taarsersussagukku nutaamik pisissagaluarpunga. Nalunngilluinnarparami qanoq atorsinnaatigisoq suullu aserorsinnaanersut, aserortussaqanngingajavippormi. Hiluxit ajornartorsiuteqanngisaannarput, maanilu Kalaallit Nunaanni ingerlalluartarput, Bo Eder-Jensen oqarpoq. Hiluxit Kalaallit Nunaanniittut nutaajunerumaat amerlanersaat benziinamik orsoqartarput, aammali pisoqaanerusut dieselimik orsoqartarlutik. 

– Benzina dieselimiit innersuutigiumanerusarparput, tamannami Nuummiikkaanni silatusaarneruvoq. Biilit dieselitortut kissanniaaluusaarnerusarput, taamaammallu benzinatortuuteqarneq avatangiisinut pitsaanerungaarpoq, Bo Eder-Jensen oqarpoq. 

Biilit ninngusuut 

Deres Autop Toyota Hiluxit Kalaallit Nunaannut eqqussorpai. Tamatuma saniatigut Mitsubishi L-200-t eqqussorpai. 

– Biilit taakku marluk usisarfeqarput, ingammik sullitatta suliffeqarfiutillit, soorlu sanasut sanaartortullu, ulluinnarni suliaminnut atortaramikkit, biilillu ninngusuujummata nuannarisarpaat. Aammattaaq Nuummit allanillu inuinnarnit saaffigineqartarpugut – taakku umiatsiaminnik aallarniaraangamik aalisariutiminnut il.il. ilitsivissaqarnissaminnik pisariaqartitssarput. Angerlarunik pisamik usisarfimmut „milorujunnissaat“ ajornannginnerusarpoq – taamaammat biilit usisarfillit nuannarineqarnerannut pissutaaqataavoq, tuniniaanermut pisortaq Palle Frederiksen oqarpoq. 

Hilux innaallagiatortoq 

Toyota naapertorlugu Hiluxip innaallagiatortup 2025-mi tuniniarneqalersinnaanissaa sulissutigineqarpoq. Tamannalu aamma Kalaallit Nunaanni inuppassuarnut soqutiginaatassaaq, Palle Frederiksen oqarpoq. 

– Aamma biilinut assartuutinut innaallagiatortunut soqutiginninneq annertusiartorpoq. Inuppassuit Hilux aamma Mitsubishi L-200innaallagiartortut apeqqutigisarpaat. Hiluxilu innaallagiatortoq saqqummissasoq nalunngilara. Sulili qaqugukkut saqqummersinneqarumaarnersoq ilisimanngilarput, neriuppungali qanittukkut saqqummersinneqarumaartoq, taamaalilluta avatangiisinut mingutsitsinngitsumik, atuisulli pisariaqartitaannut suli naleqquttumik, neqeroorutigisinnaaniassagatsigu.