MOTOORI
Biilit umiatsiallu nittarsaanneqarnerpaaffiat
Biilit umiatsiallu seqinnarissuup ataani nittarsaanneqarput. Biilit umiatsiallu nioqqutit nittarsaanneqarnerani niuertut, aningaaseriviit sillimmasiisarfiillu pisisartunik oqaloqateqarnissaminnut piareersimapput.
Nuummi biilinik umiatsianillu nittarsaassineq maajip 30-ani ingerlanneqarpoq, tassanilu tuniniaasut tamarmik nittarsaassipput. Grønlandsbanken peqataavoq, taarsigassarsinissamullu periarfissat pillugit aningaasaqarnermut siunnersortit oqaloqatigineqarsinnaasut nittarsaassivimmeeqataapput. Qaqortumi Ilulissanilu tamatuma kingorna aamma nittarsaassisoqarpoq.
Assi: Grønlandsbanken
Biilinik umiatsianillu nittarsaassineq ornigarneqarluarpoq.
Inersimasut Nuummi biilinik umiatsianillu takuniaaneranni, meeqqat sammisassaqartinneqarput.
Assi: Grønlandsbanken.
Nuummi biilit, umiatsiat ATV-llu arfininngornermi maajip 30-ani nittarsaanneqarneranni, tuniniaasut Deres Auto, Autonord, Grønlands Bådcenter, LP Marine Service, Nuuk Marine Center aamma Yamatek peqataapput.
- Iluatsilluarpoq, biilillu arlallit ullormi tassani tunivavut, Autonordimi aningaasaqarnermut assartuinermullu pisortaq Bo Eder-Jensen oqarpoq.
– Aningaaseriviugatta Kalaallit Nunaanni suliffeqarfiit ineriartornissaat soqutigisarivarput, Grønlandsbankenimi tunisassiornermi pisortaq Niels-Anthon Pedersen oqarpoq.
Assi: Peter Fleischer Rex
Grønlandsbankenimik suleqateqarneq
Grønlandsbanken suleqatigalugu saqqummersitsineq ingerlanneqarpoq, tassanilu aningaasaqarnermut siunnersortit aningaasaunik taarsigassarsinissamut periarfissat inunnut soqutiginnittunut oqaluttuaraat.
– Aningaaserivittut Kalaallit Nunaanni suliffeqarfiit ineriartornissaat soqutigisarivarput. Tamanna Kalaallit Nunaannut tamarmut iluaqutaavoq. Tamatuma saniatigut aamma inuit pitsaasumik sullinneqarnissaat soqutigivarput, inuillu biilinik umiatsianillu pisiumasut ajornannginnerusumik aqqutissiukkusuppagut, Niels-Anthon Pedersen, Grønlandsbankenimi tuniniaanermut pisortaq oqarpoq.
Taarsigassarsinissamut periarfissat assigiinngitsut
Aningaasaqarnermut siunnersuisartoq atuisup aningaasaqarneranik pisariaqartitaanillu misissuisarpoq, tamakkualu aallaavigalugit taarsigassarsinissamut periarfissat assigiinngitsut pillugit siunnersuisarluni.
– Biilinik umiatsianillu pisinermi taarsigassiinissamut assigiinngitsunik periarfissanik neqerooruteqarpugut. Assersuutigalugu biilimik energiklasse A-mik atuiffiusumik pisigaanni, taarsigassarsiat 80 procentiisa tungaanut Minguik atorlugu taarsigassarsisoqarsinnaavoq. Sinneri sullitap nammineq akilertussaavai — nammineq aningaasaatiminik imaluunniit aningaaserivimmi tapiliussamik taarsigassarsinikkut, Niels-Anthon Pedersen oqarpoq.
Qaqortumi saqqummersitsinermi biilinik, umiatsianik ATV-nillu Grønlandsbanken silataanukaassisoqarpoq, pisisartut atuisut aningaasalersuinissamut periarfissanik siunnersorneqarluarput.
Assi: Ivalo Emilie Motzfeldt
Qaqortumi nittarsaassineq
Qaqortumi Grønlandsbankenip eqqaani nittarsaassineq arfininngornermi juunip 13-ianni ingerlanneqarpoq, tassanilu niuertut KA Auto aamma Qaqortoq Auto & Marine umiatsianik, biilinik ATV-minnillu pisisartunut nutaanut nittarsaassipput.
– Nuummisut aamma tassani najuuppugut. Aningaasaqarnermulli siunnersuisartuvut nittarsaassiffimmiinngillat, niuertulli eqqatsinnut takkupput. Taamaattumik Qaqortumi immikkoortortaqarfiup silataani biilinik umiatsianillu nittarsaassisoqarpoq, inuillu allaffitsinnut kaffisoriarlutik isersinnaapput siunnersorneqarlutillu, Niels-Anthon Pedersen oqarpoq.
– Niuertut oqaluttuaraat nittarsaassinerni peqataanerput nuannaarutigalugu. Aaqqissuussinerillu taamaattut ingerlateqqikkusuppaat, taamaalilluta peqataanitsinni pitsaasumik akissuteqarfigineqartarpugut. Biilimik umiatsiamilluunniit pisiassaqaraangamik sumiiffimmut ataasiinnarmut orniguttalernerat, pisisartunut iluaqutaavoq. Tamanna kikkunnut tamanut sukkanerullunilu ajornannginneruvoq, Niels-Anthon Pedersen oqarpoq.
Grønlandsbanken Nuummi kingusinnerusukkullu Qaqortumi nittarsaassisoqarnerani peqataavoq.
Assi: Grønlandsbanken
