Bolt Lamarian: Pinngorartitsinerup nukinga
Aallarnisaasup Arne Mogensenip meeraanini, suliffeqarfimmik ingerlatsineq qaatusimanerlu oqaluttuarai. Imigassaq inuunerani ukiuni 20-ni initusimaqaaq, iliuuseqarfiginissaanullu piffissanngorsimalluni.
Nuup qeqqani Californiamiippugut. Pisiniarfiuvoq immikkuullarissoq Arne Mogensenimit suleqataanillu Mala Johnsenimit ingerlanneqartoq. Marluullutik atisalianik nuannarineqaqisunik Bolt Lamarinik aallarnisaasuupput.
Iikkat qernaripput, qulleeqqat qalipaatigeqisut tujuulunnut nasartalinnut tujuuluaqqanullu ninginngaavinniittunut seqersimallutik, nalaasaarfiillu qernertut amiusut iikkamut qernertumut talisimallutik, iikkamiillutik assiliarujussuit marluk angutinik Afrikamiunik, Bolt Lamarip tujuuluaraannik teqqialinnillu atortunik assitallit.
Taamak allaaserinnippoq aviisi AG.
Arne Mogensen uannut AG-llu assiliisartuanut kaffillerpoq. Qujaruppara. Maani kaffi akeqanngilaq. Inuit Californiami isersimarujoortarput suleqatigiit oqaloqatigalugit kaffisorluarlutillu. Californiami tikilluaqqusaasutut misigisimanarpoq.
Arne Mogensen 1990-imi Kujataani illoqarfimmi Qaqortumi inunngorpoq. Nammineq oqarnermisuut nuannersumik meeraavoq. Ikinngutinilu aneertarput, sikkilerlutik tatsimilu nalunnguarlutik.
- Qaqortoq pinnguartarfigaarput, Arne Mogensen oqarpoq, ikinngutini iseqqammersoq ilassiutigalugu.
Yo, what’s up, ikinngutini oqarfigaa uannullu qiviaqqipallalluni. Sumiippugut? Nå, meeqqat atuarfiat soqutiginngisani. Atuarneq nuannarinngilaa. Naamerluinnaq. Allat tamarmik soqutiginarnerupput. Tamanna aamma inersimasutut inuuneranut atuuppoq.
Takorluugaq
Anaanani perorsaasumut ilinniarniarniarmat ilaqutariit avannamut nuupput Ilulissaniilerlutik, tassanilu Arne nutaanik ikinnguteqalerluni – nutaanilli aamma ileqqoqalerluni nukappiaqqamut taamatut ukiulimmut tulluanngilluinnartunik.
- Qulinik ukioqarlunga silaarullunga imigassartoqqaarpunga. Jack Daniels imersimavara, politiillu angerlaappaanga aalakoortupilussuugama, oqaluttuarpoq.
Ukioq ataaseq qaangiummat aqqanilinnik ukioqarluni atuarfiup pinnguartarfiani hashimik pujortarpoq.
Allaaserisaq tamaat aviisimi AG-mi atuaruk:
