Kikkut Ilulissani takornarianik angallassisinnaanersut pillugu akerleriinneq suli aaqqiivigineqanngilaq. Pingaartumik politikkimi inuussutissarsiornermilu marloqiusamik inissisimaneq eqqarsaatigalugu.
Tamanna takuneqarsinnaavoq kommunit nakkutilliisoqarfiannut suliakkiutigineqarsimasumi, taannalu pillugu Sermitsiamiit ilaannakortumik takunnissinnaatitaanikkut pigilersimavarput.
Kikkut Ilulissani takornarianik angallassisinnaanersut pillugu akerleriinneq suli aaqqiivigineqanngilaq. Pingaartumik politikkimi inuussutissarsiornermilu marloqiusamik inissisimaneq eqqarsaatigalugu.
Tamanna takuneqarsinnaavoq kommunit nakkutilliisoqarfiannut suliakkiutigineqarsimasumi, taannalu pillugu Sermitsiamiit ilaannakortumik takunnissinnaatitaanikkut pigilersimavarput.
Suliakkiutigineqartoq borgmester Lars Erik Gabrielsen (S) pillugu, namminersorlutik inuussutissarsiornermi soqutigisaminik ingerlatsinera ilaatigut apeqquserneqarpoq.
Tassani aamma atuarneqarsinnaavoq, borgmesterip pissusilersortarnera ernumanartoqartinneqartoq, aammalu borgmesterip namminersorluni inuussutissarsiuteqartutut soqutigisani kommunip soqutigisaanit immikkoortissinnaanerai ernummatigineqarluni.
Takornarianik takornarianillu ingerlatsisunik tatamisitsivoq Attaveqatigiinneq imaluunniit taassuma amigaataanera mailini allaqatigiissimanerni takuneqarsinnaavoq, allakkani taakkunani borgmesterip sakkortuumik isornartorsiuinera aamma pasilliinera takornarianik ingerlatsisunut, unammilleqatigisanut sumiiffimmi ingerlatsisunut, minnerunngitsumillu umiarsuarni takornariartaatini angallassisunut Ilulissanut aqqusaartartunut allakkani takuneqarsinnaavoq.
Assersuutigalugu Anders La Cour Vahl umiarsuit Issittumi takornariartaatilerisut kattuffianni AECO-meersoq umiarsuit tikeralinnginneranni nalunaarpoq, piffissami takornariarpassuit tikittussanngorneranni suut tamarmi eqqissisimasumik ingerlanissaat isumagineqarsimasoq.
Taamaattorli umiarsuit takornariartaatsit ilaata inuttai aaqqissuisuilu eqqissisimasumik tikilluaqquneqanngillat, tamatumalu kingunerisaanik, inuussutissarsiornermut Naalakkersuisoq Naaja H. Nathanielsen, borgmesterimut isornartorsiuisariaqarsimavoq.
Assersuummi matumani ersersinneqarpoqborgmester Lars Erik Gabrielseniimit Ilulissani qanoq iliorfigitittoqarsinnaanersoq ersersinneqarpoq. Hurtigrutenip takornariartaataa Fridtjof Nansen Ilulissani tikeraarpoq juulip tallimaani. Fitjof Nansenip umiarsuaaraani inuttat ilaatigut oqaluttuarput "Angutip uanga Mario-lu sissiukkami qanillattorpaatigut. Borgmesteritut imminut saqqummiuppoq. Oqarfigaatigut, nunaqqatigiit aliasuutigigaat, umiatsiatik HX-mit atorneqanngimmata. Discoline nunaqqataanngitsoq, ikiaroornartunilli tuniniaasartunit ingerlatinneqartoq, tullissaanilu uternissatsinni 'sakkortunerusumik iliorfigineqarnissarput' ilimagisinnaagipput, 'ajortumik'. Hurtigrutenimit erseqqissaatigineqarpoq sulisut taamak pineqarsimasut inuttaannaasut akisussaaffimmillu tigummiaqaratik.
Heidi Møller: - Akerleriinneq inuussutissarsiortunut kommunimullu akisoorujussuanngorpoq
NAKKUTILLIISUT BORGMESTERIP PISSUSILERSORNERANUT SIOORASAARINERANULLU NAAMMAGITTAALLIUUMMUT AKISSUTEQARNERA
Borgmesterip oqaasii eqqarsaatersornissamut apeqqutinillu pilersitsisimaneranut paasinnissinnaavugut. Taamaatttorli pingaaruteqarpoq borgmesterip nammineq oqaaseqarnermini inuttut oqaaseqarnersoq imaluunniit kommunip sinniisaanit oqaaseqarnersoq immikkoortissallugit.
Paasissutissat pigineqartut tunngavigalugit nalilerparput, oqaaseqaatit kommunip sinnerlugit saqqummiunneqarsimanersut uppernarsaatissaqanngitsoq.
Nakkutilliisut suliaqarnerminni taamaallaat suliarisarpaat, kommunalbestyrelsip imaluunniit kommunip inatsisinik atuuttunik unioqqutitsisimaneranik ilimanaateqartut.
Nakkutilliisut eqqarsaatersuutinik, naapertuuttuuneranik imaluunniit pitsaasumik aqutsinermik naliliinermik suliaqartanngillat.
Tamanna isumaqarpoq kommunip aalajangigai iluarineqanngitsutut, sunniuteqanngitsutut imaluunniit politikkikkut assortuussutaasutut isikkoqaraluarpata, aalajangiineq inatsisitigut atuutsinneqarpat, nakkutilliisut akuliussinnaanngillat.
Paasissutissat nassiunneqartut tunngavigalugit borgmester Lars Erik Gabrielsenip oqaasii inatsisinik atuuttunik unioqqutitsisutut nalilerneqanngillat.
Sioorasaaruteqarsimanermut tunngatillugu nassuiaatini nassiunneqartuni erseqqissumik takuneqarsinnaanngilaq. Paasissutissanik allanik nassuiaatissaqartillutit, ilassutissanik nassitsisinnaavutit.
Pisoq pinerluttulerinermut unioqqutitsisutut isikkoqarpat, politiinut nalunaarutigineqarnissaa innersuussutigaarput. Taamaattumik Nakkutilliinermik siunnersuisooqatigiinnut suliassanngortitsinissamut tunngavissaqanngitsoq nalilerparput.
- Lars Erik Gabrielsen borgmesterinngoreernermi kingorna, apeqqusernarpoq inatsisinik unioqqutitsisimanersoq imaluunniit malinninnissimanersoq, Ilulissat Excursions takornariaqarnermut suliassanik ingerlatseqatigiiffiup tigusinissaa pillugu sulissuteqarnini pissutigalugu.
Heidi Møller ilaatigut Sermitsiami saqqummersinneqarsimasumut innersuussivoq, tassani borgmesterip innuttaasunut kajumissaaruteqarnikuugami suliffeqarfimmi, taassuma nammineq piginneqataaffigismini, Ilulissat Excursionsimi, piginneqataaleqqullugit.
Aammali borgmesterip tikeraanut avataaneersunut pissusilersuutai pillugit ernumassuteqartoqarpoq. Heidi Møllerilu isumaqarpoq borgmesterip pissusilersuutaa pissutigalugu umiarsuit takornariartaatit maanna Ilulissat avaqquttalersimagaat, tamannalu Ilulissani takornarianik kiffartuussinerminni aningaasarsiornissaraluannut sunniuteqarnerlulersimalluni.
Aammali borgmesterip ersarissumik akerliussutsimik takutitsinissanik kajumissaarillunilu ingerlatsisarnera, Heidi Møllerip oqarnera naapertorlugu, kommunimut isertitassanik annaasaqaataalersimavoq.
Akerleriinneq sivisooq Akerleriinnerli nutaajunngilaq, qaammaterpaaluimmi ingerlaneranni sakkortusigaluttuinnarsimavoq. Piffissallu ingerlanerani aaqqiagiinnginneq avataaniit maluginiarneqanngitsoorsmanngilaq, nunarsuarmi tusagassiorfiit angisuut aamma pisoq malinnaaffigaat.
Allakkat Sermitsiaq-mut iserfigineqarsinnaasut ilagaat qanoq suleqatigiinneq piffissap ungasinngitsuaqqap ingerlanerani unammilligassaasimasoq, tassanilu Hurtigruten aamma suleqatigiinnissamut imaluunniit Ilulissat Excursions suleqatiginiarlugu misileraalluni isumaqatigiissutaa Lars Erik Gabrielsen-ip Avannaata Kommuniani borgmesterinngornissaa sioqqullugu kingornalu arlaleriarluni oqaaseqartarneratigut unammilligassaq sakkortusisimasoq.
Sermitsiamit Kalaallit Nunaanni kommunit nakkutilliisoqarfiata siulittsaasua, Solja I Olavstuvo attaveqarfigaarput, taassumalu oqaatigaa suliaq nakkutilliisoqarfimmut suli apuunneqarsimanngitsoq, taamaattorli ilisimagini nakkutilliisut suliaq maanna ingerlakkaat. Borgmesterip pissusilersorneranut tunngatillugu naammagittaalliuutinut nakkutilliisut akissutai matumani paasissutissiissummi atuarneqarsinnaapput.
Naajap tikeraarnissaa kinguartinneqarpoq Pissutsit imaannaanngitsutut isikkoqarmata, aamma Kalaallit Nunaata siunissami takornariaqarneq isertitaqarnikkut pingaarutilittut naalakkersuinikkut inissinneqarusummat, inuussutissarsiornermut Naalakkersuisoq, Naaja H. Nathanielsen Ilulissani inuussutissarsiuteqartut peqatigalugit takornariaqarnerup siunissaa pillugu oqaloqatigiinnermik aallartisaasimavoq.
Naaja H. Nathanielsen-ip oqaatiginikuuaa Ilulissanut tikeraarnissaminik pilersaaruteqarluni. Siullermik pilersaarutaasimavoq tikeraarneq septembarimi pissasoq. Kisianni Sermitsiamut oqaatigaa takornariaqarnikkut suliaqaqatigiinnerit, soorlu Vest Nordic Travel Mart Akureyri-mi, Island-imi septembarip 30-aniit oktobarip aallaqqaataanut pisussaq, kiisalu oktobarip 4-aniit 5-anut umiarsuarnik takornariartaatinut ussassaarineq pissutigalugit Nathanielsen-ip Ilulissanut tikeraarnissaq oktobarip 10-aniit 11-anut allanngortissimallugu.
