Bosse akissarsiat pillugit: Taamaammat isertuussaqanngilagut
Aqutsisut akissarsiaat paasissutissat pillugit Tele Greenland A/S Namminersorlutik Oqartussat ingerlatseqatigiiffiutaanni isertuussaqannginnersaavoq. Pisortaaneq qanoq akissarsiaqarnersoq, utoqqalinermusiassaqarnersoq allallu tamarluinnaasa ersarissumik paasissutissiarineqarsimapput.
Tele Greenlandimi siulersuisut siulittaasuata Stine Bosse-p pisortaanerit akissarsiaat oqallisigineqartillugit qallunaanit ilisimaneqarluartuuvoq.
Pisortaanerit akissarsiaat pillugit qanoq isumaqatigiittoqarsimanera apeqquserneqartillugu isertuusserusunneq ajorpoq. Qaffasissumilu pisortaanermik suliunnaartoqartillugu akissarsitinneqangaatsiartarput, tamannalu oqallinnermut uummarissaataalluartarpoq.
Isertuussaqannginneq
Pisortaanerullu Kristian Reinert Davidsenip atorfeqarnermut akissarsiaalu pillugit Tele-Postimi siulersuisut siulittaasua aamma isertuussisoqannginnissaa qulakkeersimavaa.
Taamaalilluni Namminersorlutik Oqartussat suliffeqarfiutaanni ingerlatsilluartoqarnissaanik kissaatit Tele Greenlandimit maleqqissaarneqarput.
Pisortaanerup akissarsiai
Kristian Reinert Davidsenip akissarsiai pillugit ukiumut nalunaarummi kingullermi ima allassimasoqarpoq:
Issuaaneq aallartippoq:
Pisortaaneq ukiumut aalajangersimasumik pensionisiassai allallu ajunngitsorsiassat ilanngullugit akissarsiaqartinneqarpoq, soorlu aamma suliffeqarfiup biilianik biileqartitaalluni. Pisortaaneq aamma bonusimik pisinnaatitaavoq, ukiumut aningaasarsiaasa aalajangersimasut 23 procentiat tikillugu.
Pisortaaneq soraarnissamut aammalu suliunnaarnissamut tunngasunik malitassaqarpoq, ingerlatseqatigiiffimmiit suliunnaarsitaassaguni qaammatini aqqaneqmarlunni akissarsiaqartitaassalluni, soraalerunilu qaammatini aqqaneq-marlunni ajunngitsorsiassaqarluni. Pisortaaneq nammineq soraarniuteqaruni qaammatit arfinillit sioqqullugit nalunaartussaavoq. Aammattaaq Pisortaanerup tigummiinnarnissaanut ajunngitsorsiassaqartinneqarpoq 2019-ip naanissaata tungaanut tunniunneqartartunik.
Akissarsiat aalajangersimasut: 2.750.000 koruunit
Utoqqalinermusiassat: 0 koruunit
Bonus 2017: 506.000 koruunit
Allat: 137.000 koruunit
Allat ataanni biileqartitaanerup aamma oqarasuaateqartitaanerup nalingat naatsorsorneqarpoq. Tassunga ilanngunneqassaaq ineqarneq, taannalu malittarisassat atuuttut malillugit ineqarnermut akiliuteqarfigineqartarpoq.
Issuaaneq naavoq
Suna pissutigalugu taama ersaritsigisumik aqutsisut atorfeqarnermut akissarsianullu atugaat pillugit paasissutissiisoqarsimanersoq pillugu Stine Bosse Sermitsiaq.AG-mit aperineqarpoq.
Ammasumik ingerlatsineq
- Ullumikkut pitsaasumik ngerlatseqatigiiffimmik ingerlatsiniaraanni ammasumik ingerlatsineq pisariaqarpoq. Taamaammat pingaaruteqarpoq, ukiumut naatsorsuutini suliffeqarfiup ingerlatsinerneranut peqqissusaanullu pissutsit atuarsinnaanissaat. Aqutsisut akissarsiaat qulequtaavoq soqutiginartoq. Imaanngitsoq sinnganeq inuttulluunniit qulaajaanissaq pineqartut, kisianni suliffeqarfiit pineqartut tassaapput atuisunit imalluunniit innuttaasunit tamanit pigineqartoq, uanili Namminersorlutik Oqartussanit suliffeqarfiutigineqarpoq, Stine Bosse paasissutissiivoq ilassuteqarlunilu:
- Ammasumik ingerlatsinikkut tusatsiakkanik atorunnaarsitsisarpoq oqallinnissamullu paasissutissanik pissarsiffiusarluni. Tamanna peqqinnarnerpaavoq, taanna isumaqarpoq.
Læs hele sagen:
-
Hvem scorer mest i løn?
-
Kina akissarsiaqqortunerua
-
Bestyrelser vender ryggen til anbefalinger om god selskabsledelse
-
Ingerlatseqatigiiffinnik aqutsilluarnissamut najoqqutassiat siulersuisunit naammassineqanngitsut
-
Forskellige forklaringer på at holde lønforhold skjult
-
Akissarsiat isertuunneqarnerannut nassuiaatit assigiinngitsut
-
Databeskyttelseslov forhindrer ikke åbenhed
-
Paasissutissanik katersinermut inatsit ammanerusumik ingerlatsinissamut akornutaanngilaq
-
Derfor holder vi intet skjult
-
OK, at alle kender min aflønning