Brugseni nutaamik siulittaasortaarpoq
Kalaallit Nunaanni Brugseni digitalikkut nuna tamakkerlugu ataatsimeersuaqqammerpoq.
27-nik ukiulik Avijâja Jepsen Brugsenip nuna tamakkerlugu siulersuisuini siulittaasunngorpoq.
Digitalikkut ataatsimeersuarnermi siulittaasutut toqqarneqarpoq, Brugseni tusagassiutinut nalunaarummi allappoq.
- Siulersuisut aamma aqutsisut suleqatigilernissaat qilanaaraara, uannut tatiginninnermik tunniussaat tulluusimaarutigaara. Inuusuttut allat siulersuinermik suliaqalernissaat neriuutigaara, sunneeqataasinnaaneq tassani neriuutigaara, Avijâja Jepsen tusagassiutinut nalunaarummi oqarpoq.
Siulittaasuni inuusunnerpaaq
Kalaallit Nunaanni Brugsenip oqaluttuarisaanerani siulittaasuni inuusunnersaasoq ilisimatitsissutigineqarpoq. Suliffeqarfimmi pisortap Susanne Christensenip siulittaasunngorlaamik suleqateqalernissani qilanaaraa.
- Siulersuinikkut inuusuttut atorfissaqartinneqarput. Nutaanik aqqutinik misileraasinnaasumik suliffeqarfimmi sulinera nuannaarutigaara, akisussaaffimmillu tigusiumanera tamatsinnut kivitsivoq, oqarpoq.
Kalaallit Nunaanni Brugsenimi siulersuisunngortut:
- Siulittaasoq: Avijâja JepsenSiulittaasup
- Tullia: Karla Egede Bisgaard
- Siulittaasup tulliata aappaa: Petrine Thomsen
- Siulersuisuni ilaasortat: Aalipaaraq Kreutzmann, Najârak' Petersen, Johan Gundel, Svend Åge Olsen, Gertrud Geisler
- Sulisut Sinnerlugit Qinigaq: Arnannguaq Larsen