Brugseni Nuuk: Sulisut sisamararterutaat Asiameersuupput
Kalaallit Nunaanni suliffeqarfiit ukiuni makkunani tamalaarpassuarnik kultureqarfiuneruleriartorput. Brugseni Nuuk aamma Brugseni Ilulissat pisiniarfeqarfissuarmi pisiniarfiupput sulisussanik nunaqavissunik naammattunik pissarsiniarnermik ajornartorsiuteqartut, taamaattumik nunanit allaneersorpaalussuarnik sulisoqarput.
Pisiniarfissuaq Brugseni Nuuk nunanit allaneersunik sulilersitsisimanngikkaluarpat pisiniarfiup pisortaa Ben Rasmussen sulisullu allat 120-t ajornartorsiortorujussuusimassagaluarput.
Aviisi Sermitsiaq taama allappoq.
– Sulisut nunanit allaneersut nuannaarutigissavavut. Asiamiunik sulisoqarsimanngikkaluarutta assersuutigalugu iggavipput tamakkiisumik atortissinnaasimanavianngikkaluarparput sullitanullu piumsaannik kiffartuussisinaasimassanngikkaluarluta, pisiniarfiup pisortaa Sermitsiamut oqarpoq.
Nuummi pisiniarfissuarmi Asiamiut 40-t sulisorineqarput, taakkualu ilaatigut iggavimmi, karsini pisiniarfiullu iluani suliaqartuupput. Siorna aamma taamaassimavoq.
Pisiniarfimmi sulisut Asiameersut Filippinerinit Thailandimillu aggersuupput.
Taamaalillutik sulisut sisamararterutaat Asiameersuupput. Tamatuma qaavatigut avataaneersunik sulisoqarpoq nunanit avannarlernit allanneersunik, ilaatigut Danmarkimit. Brugseni Ilulissani sulisut 15 procentii Asiameersuupput.
Aviisimi Sermitsiami atuaernerusinnaavutit. Aviisi uani pissarsiariuk:
