Cairn nunanit allaniit sulisussarsiorpoq
Qillerinissamut pilersaarutit tamakkiisut naammassinissaannut Kalaallit Nunaanni sulisussat naammattunik piginnaasaqanngillat, Cairnimi assartuinermi assigisaanilu pisortaq oqarpoq.
Taama oqariartuuteqartoqarpoq Canadami nunap immikkoortuani Nova Scotiami suliffissuaqarnikkut ataatsimeersuarnermi suliffeqafiit immami nunamilu uuliasiornermi teknoligimik ingerlataqartut peqatigiiffiannit aaqqissuunneqartumi.
Suliffeqarfiit arlaqartut takkussomapput tusarniarlugu Skotlandimiit Cairna aasaanerani Baffinip kangerliumarngani suliamini qanoq ingerlasimanersoq. Minngunngitsumillu 2011-mi Cairn sunik pilersaaruteqarnersoq.
Aviisi The Chronicle herald naapertorlugu Daryl Jones Carinimi pilesuinermi assartuinermilu pisortaq oqarpoq, suliffeqarfinnut eqqortumik piginnaasaqartunut Kalaallit Nunaanni periarfissat annertuupilussuusut.
- Kalaallit Nunaat uuliasiornikkut gassimillu piiaanissamut suli aatsaat aallarnisalerpoq, suliffeqarfiillu tassaniittut uuliasiornermi pilersaarutinik tamakkiisunik naammassinninissamut suli nammattunik piginnaasaqanngitsut, The Chronicle Herald naapertorlugu Daryl Jones oqarpoq.
Oqaatigaa Cairnip anenrusumik Tuluit Nunaani 2010-mi qillerinerminni sulisut atukkanik atorsimallugit, Cairnillu kissaatigigaa Canadamiit suleqateqarnissartik 2011-mi uulisiornissaminnut atatillugu.
Aamma oqaatigaa Cairn pisussaaffeqartoq Kalaallit Nunaanni inuutissarsiortut ikiornissaannut.
- Kalalallit Nunaanni inunnut avataaneersunullu eqqortumik piginnaasalinnut periarfissaqarluarssaaq, Daryl Jones The Chronicle Herald naapertorlugu oqarpoq.