Dankortip tunineqarnerani Grønlandsbanken iluarunaaruteqartoq

Nets A/S-ip amerikarmiut aningaasaateqarfiannit (Bain Capital aamma Advent International) tunineqarnissaa ataasinngormat nalunaarutigineqarpoq, tunineqarnera 17 milliardinik naleqarpoq. Danskit suliffeqarfiat ATP aamma tunineqartunut ilaassaaq.

Nets nunani avannarlerni bankinit 186-init assigiinngitsunit pigineqarpoq. Danskit Nationalbankiata Nets 10 procentimik piginneqataaffigaa. Danmarkimi Nets-ip ilaagut Post Danmark e-Boks-ip pigisai soorlu dankorti, Betalingsservice NemID-lu suliarisarpai.

Tunineqarnera Grønlandsbankimut sunniuteqassaaq, tassani kvartalimi siullermi 5,5 million koruuninik iluanaaruteqarfiussalluni. Iluanaarutinik aamma 455.000 koruuninik aamma Grønlandsbanki pissarsissaaq.

Aktiat katillugit 17,0 milliard koruunit akigineqassapput. 92,17 koruuniuvoq aktiamut ataatsimut.

Nets-ip tunineqarnissaa siulersuisunit isumaqatigiittumit akuerineqarpoq, aktiat 90 procentii tunineqassallutik.

Aningaasanik nuussinerit naatsorsuutigineqarpoq kvartalip aappaani nuutsinneqassasut.