akiliisinnaajunnaarneq
Enoksen Seafood atorunnaarsinneqalersoq
Sisimiut talittarfianni tunitsivissaq aappaluttoq ukiami ammarnissaa pilersaarutaangaluarpoq, kisianni ingerlatseqatigiiffik aalisakkerinermik, tunisassiornermik, tuniniaanermik avammullu niuernermik suliaqarnissamik siunertalik atorunnaarseqquneqarpoq
Sisimiuni aalisakkanik fabrikkissaq nutaaq pilersaarutaasut naapertorlugit ukiaq manna ammarnagu, Hanseeraq Enoksenip aktianik ingerlatseqatigiiffeqarnermi inatsisit naapertorlugit ingerlatseqatigiiffik atorunnaarseqqullugu Kalaallit Nunaanni eqqartuussivimmut 2017imi septembarip aallaqqaataani tunniuppaa.
Taamaasillutik Enoksen Seafoodimi aqutsisut siulersuisullu tunuarput. Ukiumoortumillu nalunaarusiami kingullermi 2014-2015-imoortumi amingartoorutit 6,3 millionit koruuniupput.
Aallartisarneq sakkortooq
Enoksen Seafoodip aallartinnermini sakkortuumik atugaqarpoq tassami nammineq aningaasaatai 3,8 millioninik pitsaanngitsumik inerneqarput, aqutsisuniillu naatsorsuutigineqaraluarput siunissami ingerlatsinermit angusanit nammineq aningaasaatigineqartut pitsanngortinneqarumaartut. Suliffeqarfiup nammineq aningaasaataasa pitsaannginneri tunngavigalugit pingaaruteqarluinnarpoq isertitaqalernissaq taamatut ingerlatsiinnartoqassappat.
Kisianni misileraatigalugu aalisarnermi pisassiissuteqartoqannginneratigut aamma umiarsuarmik tunitsiveqartitsinermi aningaasartuutit suliffeqarfiup pitsaanerusumik aningaasaqalernissaannut artukkiipput, fabrikkissallu taamaasilluni ammarneqarnissaa tunisassiorsinnaaneralu kinguaattoorpoq.
Sermitsiami paasisasaqarnerugit: