Annonse

INNERUULALIMMI SAVAATILIK PIITAQ LUND

– Eqqissisimatitsinissaq piinnarlugu eqqissisimatitsissanngilagut

Qallunaatsiaat illorsuakorpassui narsaatini suliaqarnermut pisarissersuutaapput

Artillery Pointimi ullumikkut takusassaqangaanngilaq, taamaammallu passunneqarani uninngatiinnarneqarpoq.

Assi: Hans H. Harmsen, Nunatta Katersugaasivia Allagaateqarfialu

Kurt Kristensen Tusagassiortoq

Saqqummersinneqarpoq 8. Oktobari 2024 - 13:18

Nunatta kujataani savaateqarfiup Inneruulaliup narsaatini qallunaatsiaat illorsuakui qulingiluat inissisimapput, eqqissisimatitsisarneq pillugu inatsit naapertorlugu qallunaatsianut eqqaassutissat meterinik marlunnik avaqqullugit ajoqutaasinnaasunik suliaqartoqaqqusaanngilaq.

– Illorsuakut ulluinnarni sulinermut ajoqutaapput, tassami eqqissititsinermut inatsimmi aalajangersakkat naapertorlugit sumiiffiit qulingiluaasut qanilleqqusaanngilagut. Narsaatini uingasuni pisariuneruvoq, taakkunanimi maskiinanik nunalerissutinik ingerlaneq ajornakusooreerpoq, savaatilik Piitaq Lund Sermitsiamut taama oqarpoq.

Annonse

Eqqaassutissat nunamiittut tamarmik 1900-kkut sioqqullugit pisoqaassuseqartut eqqissisimatitsisarneq aamma allatigut kulturikkut eriagisassanik kulturikkut kingornussatut illersuineq pillugu Inatsisartut inatsisaat naapertorlugu eqqissisimatitaapput.

Piitaq Lund eqqissisimatitsisarnermut akerliunani naqissusiivoq, pisariaqanngitsumilli eriaqisaqarnerit suulluunniit akerlerai.

Qallunaatsiaat illorsuakorpassui
savaateqarfimmi Inneruulalimmi narsaatini
suliaqarnermut pisarissersuutaapput. — Qallunaatsiaat illorsuakorpassui savaateqarfimmi Inneruulalimmi narsaatini suliaqarnermut pisarissersuutaapput.

SAKKUTOOQARFIIT MARLUK – ATUKKAT ASSIGIINNGITSUT MARLUK

Nunatta Katersugaasivia Allagaateqarfialu amerikamiut Kujataani sakkutooqarfikui marluk pillugit immikkut innersuussinikuuvoq.

–Camp Corbettimi sinneruttut paarinerlutaangaaramik takussutissiinatik ersinarnerummata piiarneqartussanngorlugit iperarpagut, katersugaasivimmi pisortaq Christian Koch Madsen oqarpoq.

Suliffeqarfik Kingo Grønland ApS Camp Corbettimi torersaalluni aggustimi aallartippoq.

–Artillery Pointimi atortunik illunilluunniit nunap qaavaniittunik annikitsuinnarmik amiakkoqarpoq, annermik ungaluliat toqqaviillu sakkutooqarfiup qanoq isikkoqarnikuuneranik takutitsigut kisimik takussaapput. Sakkutooqarfik taamaattoq Kalaallit Nunaanni qaqutigoorpoq, illersornissaqarfilli sananeqarmat pinngortitartaa ajoquserneqareerpoq, taamaammallu saviminikut mingutsitsinerillu sinnikoqarpianngillat. Taamaammat sinneruttut ajoquserneqassanngitsut peerneqassanngitsullu innersuutigaarput.

– Taamaalilluni Artillery Point oqaluttuarisaanermut, takornariaqarnermut sumulluunniit tunngatillugu atorneqarsinnaavoq. Najugaqartut apeqqutaapput. Ikkattimi Tunumiittumi najugaqartut sakkutooqarfiup atatiinnarneqarnissaa soqutigisorujussuuaat, Christian Koch Madsen oqarpoq.

Sanaartortitsisut 60°North Greenland ApS Ikkattimi 2019-imi 2020-milu torersaapput, torarsaanerallu aappaagu naammassineqassaaq.

kurt@sermitsiaq.gl

– Eqqaassitissat qanganeersut eriagalugillu eqqissisimatissagaanni aamma illersugassat soqutigineri ersersinneqartariaqarput. Tamanna narsaatitsinni qallunaatsiaat illorsuakuinut, qanganisarsiuut eqqissisimatiinnarnagit oqaluttuarisaanerinik misissugassaannut, aamma atuuppoq, Piitaq Lund oqarpoq.

Savaateqarfik Inneruulalik Piitap aataavanit Dolfi Lundimit 1946-mi tunngavilerneqarpoq. Eriaginninnissamut pilersaarummik ersarissumik peqartinnagu ukiorpassuarni nunalerinerup silallu pissusiata allanngoriartornerata qallunaatsiaat illorsuakui arriitsumik avaqqunneqarsinnaanngitsumilli nungusassavai.

–Illorsuakut kulturikkulluunniit eriagisassatut eqqaassutissanik massakkorpiaq ineriartornermut ajoqutaasunik piiaanissaq orniginarsinnaavoq. Eqqaamassavarpulli qaqugumorsuaq peertussaagatsigit - peqqissimisoqarsinnaanngilaq, Nunatta Katersugaasiviani tullersorti, katersugaasivimmi ingerlatsisoq Christian Koch Madsen Sermitsiamut oqarpoq.

– Kulturikkut eriagisassatut eqqaassutissamik assaanerit misissuinerillu tamaasa oqaluttuarisaanermut tunngasunik aamma ilikkagaqartuaannarpugut. Kisiannili soorunami suna tamaat ataatsikkut misissorsinnaanngilarput; piffissartorfiuallaarlunilu akisuvoq. Taamaammat qanga inunnit qimanneqarneratuut kulturikkut eriagisassatut eqqaassutissatut eqqissisimatitsineq amerlanertigut pitsaanerpaasarpoq. Taamaalilluta siunissami alutoralugillu ilinniarfigisinnaavagut, aamma kinguaariinni tulliuttuni.

Sumiiffiit eqqissisimatitat aningaasaliiffigineqarlik

Nunatta Katersugaasivia kulturikkut eriagisassatut eqqaassutissanik eqqissisimatitsinissamik suliaqarlunilu nunatsinnut najukkamullu oqaluttuarisaanermi pingaarutilinnik eqqissisimatitsinissamik attassiinnarnissamillu aamma suliaqartarpoq.

Nunatta Katersugaasiviata Kujataani amerikamiut sakkutooqarfiini assaalluni nassaat misissugassat oqaluttuarisaanermut attuumassuteqartut 2020-mi suliarai. Kingorna nalunaarusiami katersugaasivik ima innersuussivoq: Raatioqarfik Camp Corbett, savaateqarfiup Kiattut eqqaaniittoq, tamaat piiarneqassaaq, illersornissaqarfilli Artillery Point, savaateqarfiup Inneruulallip eqqaaniittoq Kalaallit Nunaata oqaluttuarisaanera pissanganartoq pillugu qaqugumut eqqaassutissatut attorneqarani tassaniiginnassaaq.

Qamutillit Sorsunnersuup aappaata nalaani Narsarsuarmi silaannarmik illersuinermi
atorneqarsimasut qangali peerneqarnikuupput, unali illu Artillery Pointimi pequutissaasivittut
atorneqarsimassangatinneqarpoq. — Qamutillit Sorsunnersuup aappaata nalaani Narsarsuarmi silaannarmik illersuinermi atorneqarsimasut qangali peerneqarnikuupput, unali illu Artillery Pointimi pequutissaasivittut atorneqarsimassangatinneqarpoq.

Piitaq Lundilli Artillery Pointip ullumikkutut itsillugu qimaannarnera ajornannginaarinerarpaa.

– Nunatta Katersugaasiviata illersornissaqarfik ilumut atatiinnarniaruniuk Artillery Point oqaluttuarisaaneralu pillugit aningaasaliisariaqarpoq. Taamaanngippat amerikamiut nalaanni sakkutooqarfiit qimatat allat assigalugit piiartariaqarpoq, Piitaq Lund oqarpoq.

Uparuaaneq Nunatta Katersugaasivianit akerlilerneqarpoq.

– Camp Corbett aamma Artillery Point missingersukkamik sulianullu tunngasumik nalilersuisarnitsinnut takussutissaapput, Christian Koch Madsen oqarpoq.

Sumiiffiit pineqartut tamarmik sorsunnersuup aappaani kingornalu sorsunnerup nillertup nalaani Kalaallit Nunaata siornatigumiit sukkanerusumik allanngoriartornerata oqaluttuassartaanut attuumassuteqarput.

– Isumaqarpugulli sumiiffiit sakkutooqarfiusimasut arlaannaalluunniit ima eriagisariaqartigisut allaat eqqissisimatlluinnarneqartariaqarlutik; taamaassimasuuppat eqqissisimatitsinissamut suliamik aallartitsisimassagaluarpugut. Tamatumunnga taarsiullugu sinneruttut nalunaarsorlugillu kingorna innersuuteqarpugut, Christian Koch Madsen oqarpoq. (Paasissutissat takukkit).

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.