Ernisussiortut isumaqatigiissummutnutaamut naaggaarput
Kalaallit Nunaanni ernisussiortut peqatigiiffianni ilaasortat ataatsimik amerlanerussuteqarlutik PPK-ip Namminersorlutillu Oqartussat Isumaqatiginninniartartoqargfiata akissarsiat pillugit isumaqatigiissutaat nutaaq naaggaarpaat.
Annonse
Ilaasortat arfinillit akuersipput arfineq marlullu naaggaarlutik.
Taasinerulli inernera sunniuteqassanngilaq, atorfillit peqatigiiffiisa kartelimu ilaasortaasut ilaat allat arfineq marluk isumaqatigiissummut nutaamut akuersisimammata. Taamaattumillu peqatigiiffiup mikisunnguup isumaqatigiissut nutaaq amerlanerussuteqartut akuersissutigisaat uppitissinnaanngilaa.
Kalaallit Nunaanni ernisussiortut peqatigiiffiata siulittaasua Ejla Størup naliliivoq, ernisussiortut peqqissaasunut sanilliullutik sulisussarsiortarnermi atorfimmiititsiinnarniartarnermilu tapisiat tungaasigut katataagaluttuinnarnerat naaggaarnermut peqqutaasoq.
Sermitsiaq Inuussutit atuaruk.