Greenland Development Maniitsumiisikkusukkaat
Maniitsup Kommuneata kissaatigaa aalajangiisartut aluminiummimik aatsitsisarfiup inissinneqarfissaata eqqaanut inissittariaqartut.
Aarlerinarluinnarpoq Maniitsormiut puigorneqassasut, qeqertami alumimiummimik aatsitsisarfissaq pillugu aalajangigassarpassuit Nuummi isumagineqartassappata – pisut qitiuffiata ungasissuani.
Taama isumaqarpoq Maniitsup Kommunea, ilaatigut piumasaralugu namminersornerusut pilersaarusiortarfiat, Greenland Development (GD), Maniitsumut nuunneqassasoq, kiisalu GD’p siulersuisuini kommuni sinniisoqarfeqassasoq.
- Sutigut missukutaasimanersugut aalajangersimasumik tikkuaasinnaanngilanga. Pingaaruteqarporli inuit qitiusut qanigisatsinniinnissaat, ingerlaavartumik oqaloqatigiittarniassagatta. Aalajangerneqartummi malittartussaavagut, Maniitsup Kommuneani kommunaldirektør Mogens Hansen erseqqissaavoq.
Assersuutitut taavaa, kommuni innuttaasullu isumasiorneqartarnissaat pingaaruteqartoq, soorlu Maniitsumit aatsitsiviup tungaanut aqqusinniortoqalissappat. Aaqqiissutit tamakku Nuummi allaffissornikkut pilersaarusiorneqassanngillat.
Sermitsiaq Inuussutit atuaruk.