Greenland Mineralsip Nunatsinnik tatisiniarsarinini ingerlateqqikkaa
Perthimi ukiumoortumik ataatsimeersuarnermi Greenland Minerals Ltd.-imit oqaatigineqarpoq, Kuannersuarni piiaanissamut pilersaarutit pillugit Nunatsinni politikerit akisussaasut sunnerniarnerat ingerlatiinnarneqassasoq.
Australiamiut aatsitassarsiortitseqatigiiffiat Greenland Minerals Ltd. Perthimi pingasunngormat ullaakkut ukiumoortumik ataatsimeersuarpoq. Lian Sinclair, avatangiisinik illersuiniaqatigiiffimmit Minerals Policy Institutimi qullersaasoq ataatsimeersuarnermi peqataavoq. Aviisi Sermitsiaq taama allappoq.
Avatangiisinik illersuiniaqatigiiffik ataatsimiinnermut peqataasinnaajumalluni aatsitassarsiortitseqatigiillu siunissamut pilersaarutaat paasisaqarfigiumallugit, Greenland Mineralsimut piginneqataassutsinik pisisimavoq.
Lian Sinclair Twitterimi allappoq, ernumanartoqartikkini Greenland Minerals aningaasaliisuminut oqaluttuarmat, tunuarsimaarallarniarlutik aamma aaqqissuussamik nipaatsumillu isumaqatigiinniarnermikkut IA-p naalakkersuisoqatigiissitai uranisiortoqannginnissaanik aalajangersagaat sakkukillisinniarlugu sunnerniarneqassasut.
- Greenland Minerals isumaqarpoq, illuatungeriinnut iluaqutaasumik isumaqatigiinniarsinnaallutik, tamatumani uranisiorneq inerteqqutaatinneqassalluni, taamaallaalli killiliussatut aalajangersakkat iluanni.
Aviisimi Sermitsiami atuarnerusinnaavutit: