Grønlandsbanken 12,5 million kroninik siuariarpoq
Taamaattoq kursinut naleqqussaatinnaani nalikilliliinnginnermilu angusat 6,6 million kroninik appariarsimapput.
Grønlandsbankenimi qaammatit qulingiluat siulliit takutippaat akileraartinnani angusat 77,5 million kroniusut siorna piffissami tassani 65 million kroniusimallutik. Tassalu 12,5 million kroninik pitsanngorniarneq.
Naatsorsuutini kisitsisit qitiusut naapertorlugit aningaaserisivup qanoq ingerlanera takutinneqarpoq, tassalu suli aalajaatsumik pissusissamisoortumillu ingerlasoqarluni. Kursinut naleqqussaannginnermi nalikilliliinnginnermilu angusat 88,8 million kroniniit 82.2 million kroniniut appariarsimapput. Aningaasanik uninngasuuteqarneq suli attartortitaniit annertuneruvoq, aningaaseriviillu atuisunit annaasai suli appasillutik.
2010-mi angusassatut Grønlandsbankenip naatsorsuutigiuarsinnarpaa, kursinut naleqqussaannginnermi nalikilliliinnginnermilu angusat 95-niit 115 million kroniujumaartut, taakku 2009-mi 111 million kroniusimallutik.