Grønlandsbanken 25 millioninik taarsigassarsivoq
Aningaasat avatangiisit illersorniarlugit nukissiuutinik atuineq annikillisarniarlugu taarsigassarsisitsinissamut atorneqassapput
Nordiske Investeringsbankip (NIB) aningaaserivik taarsigassarsisippaa, inoqutigiit nukissiuutinik atuilluarnerlutik namminneq uuttorsinnaaniassammassuk, taamatut allaaserisaqarpoq Ritzau.
Taarsigassarsineq ukiuni qulini taarsersugassaq Nunatsinni nukissiuutinik atuinermik appartitsissaaq, tassani nukissiuutinik atuinerup 40 procentia illuutit kiassarnerannut atorneqartarpoq.
Aningaasat angerlarsimaffiit nammineq pigineqartut oqarsarnissaannut suliniutinut atorneqassapput, soorlu aamma kiassarnermut kissarsuutip uuliatortup taarsernissaanut, aamma inigisat fjernvarmemut attaveqalernissaannut, kiisalu igalaat taarsersornissaannut varmepumpenik ikkussuinissamut aamma solcellepanelenik atortulersuinermut kiisalu airconditionimik atortoqalernissamut atorneqassapput.
- Kalaallit Nunaanni CO2-mik silaarnarmut aniatitsinerup killilersimaarneqarnissaanut taarsigassarsiat iluaqutaaqataassapput, tamannalu NIP-p avatangiisit pillugit akisussaaffigisaanut issittumilu soqutigisaanut tulluartuuvoq, NIB-p pisortaa, Johnny Åkerholm, oqarpoq.