Grønlandsbankenip aningaasaqarnera ajunngilaq
Grønlandsbanken naalagaaffeqatigiinnerup iluani aningaaseriviit ingerlalluarnerpaat tulleraat, Sparbankili aningaaseriviit ingerlanerliornerpaat akornanniilluni.
Nittartakkap epn.dk-p nalunaarsugaani takuneqarsinnaavoq Danmarkimi aningaaseriviit amerlanerit ingerlalluartuusut.
Aningaaserivinni sparekassenilu 50-it missaaniittuni Grønlandsbanken nr. 2-tut inissisimavoq, Sparbankilu nr. 41-tut inissisimalluni.
Aningaaseriviit ingerlalluarnerpaat aningaasatigut ajornartorsiorneq aqqusaarpaat, ukiumi nalinginnaasumi kisitsisit kusagineqarsinnaasut atorlugit. Aningaaseriviilli allat ingerlanerliungaaramik nammineq aningaasat piginneqataassutsitik ukiut marlussuit ingerlanerini nungoriaannaallugit, attartukkallu iluatsinngitsut annaasaqaatigalugillu nalikilisariaqarlugit, epn.dk allappoq.
Aningaaseriviit ajornerpaamik inissisimasut ukiumi ajornartorsiorfiusumi 2009-mi aningaasat piginneqataassusertik tamaasa annaareersimavaat.
Nalunaarsuinermi takuneqarsinnaavoq Grønlandsbankeip aningaat piginenqataassusertik erniortilluarsimagaat inatsisitigullu piumasaqaatini toqqortaasussat minnerpaaffissaanniit annerungaartumik toqqortaqarlutik.
Nalunaarsuineq talerpiup tungaani aaneqarsinnaavoq.
Nordea aamma Føroyar Banki nalunaarsuinermi ilaanngillat.