Grønlandsbanki sinneqartoorujussuarpoq
Bankip 2007-imi 100 millioner kronet sinnerlugit iluanaaruterujussuarneq tulluusimaarutigisinnaavaa.
Grønlandsbankip sinneqartoorutai kalaallit isaanik isigalugit pavungarsuaq killipput. Akileraarutit peernagit 112,6 millioner krone-t 2006-imut sanilliullugu qaffariaat 8 procentip naligaa.
Bankip ukioq manna taamatut angusaqarnissani naatsorsuutigaa, taamaattumik siulersuisut siunnersuutigilersaarpaat, piginneqataasunut 108 mio. kronit iluanaarutitut agguaanneqassasut.
Ernianit isertitat 13 millioner kronit sinnerlugit qaffallutik 156 mio. kr.-ingajanngorsimapput, tamannalu banki naapertorlugu namminersortumik inuussutissarsiortunut inuinnarnullu atortitsisarnermit peqquteqarpoq.
Sullissinermut akiliutinit aningaasartuutinullu malussusiinernut akiliutit 2,4 mio. kr.-inik qaffassimallutik 54,4 millioninngorsimapput. Siuariarneq pingaartumik attartortitseriaatsinik nutaanik atuisullu pappiaqqanik nalilinnik annertunerusumik niuertalersimanerannik peqquteqarpoq.
Grønlandskbankip akileraarutinut akilissavai iluanaarutimi 31,8 %-ii.