Piffissami
aggersumi Ilulissani Halibut Greenland ApS-ip aalisakkanut suliffissuaataata
iluaniittoq qerititsivik silamut nuunneqassaaq, taamaaliornikkullu qaleralinnik
saarullinnillu tisaanik maannakkorniit suli annertunerusumik naleqarnerulersitsinissaq
siunertaasoq, Halibut Greenlandip siulersuisuini siulittaasoq Kaaleeraq
Mathæussen oqarpoq.
Suliffeqarfiup
Kitsissuarsunni qaleralinnut nipisaallu suaannut tunitsiviata ingerlaannarnissaa
siunertaavoq, tamannalu nunaqarfimmi inuussutissarsiornermut pitsaasumik sunniuteqartoq,
nunaqarfimmi aqutsisuni ilaasortaq Tom Mølgaard, Atassut, oqarpoq.
Piffissami
aggersumi Ilulissani Halibut Greenland ApS-ip aalisakkanut suliffissuaataata
iluaniittoq qerititsivik silamut nuunneqassaaq, taamaaliornikkullu qaleralinnik
saarullinnillu tisaanik maannakkorniit suli annertunerusumik naleqarnerulersitsinissaq
siunertaasoq, Halibut Greenlandip siulersuisuini siulittaasoq Kaaleeraq
Mathæussen oqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Suliffeqarfiup
Kitsissuarsunni qaleralinnut nipisaallu suaannut tunitsiviata ingerlaannarnissaa
siunertaavoq, tamannalu nunaqarfimmi inuussutissarsiornermut pitsaasumik sunniuteqartoq,
nunaqarfimmi aqutsisuni ilaasortaq Tom Mølgaard, Atassut, oqarpoq.
Naleqarnerulersitsinermik
kinguneqassasoq
Ilulissani
Halibut Grenlandip aalisakkanut suliffissuaataani tunisassiorneq maannakkorniit
suli annertunerulissappat inissamik anginerusumik pisariaqartisisoqartoq,
taamaattumillu qerititsiviup suliffissuup iluaniittup silamut nuunneqarnissaa
siunniunniunneqarsimasoq, Kaaleeraq Mathæussen oqarpoq.
- Siorna
aalisakkat 500 tonsit tungaanut Halibut Greenlandip ilulissani aalisakkanut
suliffissuaataanut tunineqarput, ukiorlu manna taamatut amerlatigisinnaanissaat
naatsorsuutigisinnaavarput. Aalisakkut uagutsinnut tulaanneqartartut
nalittorsarnissaat siunertaralugu tisaneqartarput, qeritsisviullu silamut
nunneqarneratigut aalisakkanik maannakorniit suli annertunerusumik
naleqarnerulersitsinissaq anguniarparput.
- Qerititsivik
silami amutsiviup tungaaniissaaq, toqqavissaalu nunaminertaq
qinnutiginikuusarput akuerineqariarpat suliarinnittussarsiuussineq
aallartissaaq, tamatumalu kingorna sanaartorneq millionilikkuutaanik naleqartoq
ukiup matuma ingerlanerani aallartissinnaalissaaq. Sanaartornerulli tunisinermut
tunisassiornermullu sunniuteqangaarnissaa naatsorsuugitinngilarput, siulersuisuni
siulittaasoq aamma ulluinnarni aalisarnermik inuussutissarsiuteqartoq,
Kaaleeraq Mathæussen oqarpoq.
Siorna ukiup
taamaalineranut naleqqiullugu tunisat ikinnerulaaraluartut tunisineq
pitsaasutut nalinerneqarsinnaaasoq, Halibut Greenlandip Ilulissani aalisakkanut
suliffissuaataa ulluinnarni aqutsisoq Pele Peter Aronsen oqarpoq.
Aalisakkanut
suliffissuarmi sulisut 60-it missaanniipput, qerititsviullu silammut
nuunneqarneratigut sulisut amerliallalaarsinnaanissaat naatsorsuutigineqarpoq.
Kitsissuarsunni
tunitsivik ingerlalluartoq
Kitsissuarni ukiorpaalunngortuni
aalisakkanut tunitsiveqarnikuunani siorna Halibut Greenland tunitsivimmik aasaanerani
ukiakkullu ammasartussamik ammaavoq, taannalu pingasunik 20 fodinik
containerinik initaqarpoq, siornatigullu Royal Greenland A/S-imit
pigineqarnikuulluni. Tassani qalerallit nipisaallu suaat ukioq manna tunisaanerat
maannakkumut iluatsilluarsimasoq, Kaaleeraq Mathæussen oqarpoq.
Aalisakkat Kitsissuarnut
tulaanneqartut Ilulissani Halibut Greenlandip aalisakkerivianut assartorneqartarput.
Kitsissuarsuit
eqqaani qaleraleqarluarluni nipisaqarluarpoq, tunitsivillu nunaqarfimmi
inuussutissarsiornermut annertuumik iluaqutaalereersimasoq, Kitsissuarsunni
nunaqarfimmit aqutsisunut ilaasortaq, Tom Mølgård, Atassut oqarpoq.
Kitsissuarsuit tunitsiveqanngikkallarmat
aalisartut pisatik Aasiannut, Akunnaamut, Qasigiannguanut Qeqertarsuarmullu siornatigut
tunisariaqartarpaat – maannali pissutsit pitsaanerulerput.
- Tunitsivik nunaqarfimmi
inuussutissarsiornermut assut iluaqutaavoq tamannalu assorujussuaq qujamasunnarpoq.
Nunaqarfimmi
inuussutissarsiornikkut periarfissat killeqarpallaarneri pissutaalluni ukiut
kingulliit qulit ingerlaneranni innuttaasut 90-it missaanniik 50-it missaannut
ikileriarsimapput, Halibut Greenlandilli suliuneqarneratigut innuttaasut
amerliartoqqilernissaat nunaqarfimmi aqutsisut neriuutigaat.