Polar
Salmon Hjerting Laks, Polar Seafood Danmarkip ilaa, maanna
annertuumik akiligassinneqarnissamik iluanaarutinillu
arsaarinniffigineqarnissamik aarlerinartorsiorpoq.
Matumani
Fødevarestyrelsip inassutaa politiit malissappassuk, suliarlu
eqqartuussivimmut anngunneqarlunilu suliffeqarfik
eqqartuunneqassappat.
Polar
Salmon Hjerting Laks, Polar Seafood Danmarkip ilaa, maanna
annertuumik akiligassinneqarnissamik iluanaarutinillu
arsaarinniffigineqarnissamik aarlerinartorsiorpoq.
Matumani
Fødevarestyrelsip inassutaa politiit malissappassuk, suliarlu
eqqartuussivimmut anngunneqarlunilu suliffeqarfik
eqqartuunneqassappat.
Fødevarestyrelsip
suliffeqarfiup kapisilinnik neriinnarissanik navianartunik
listeriamik mingutsinneqartunik tuniniaasimaneranik politiinut
unnerluutigaa. Tamanna styrelsip inuussutissalerisuisa angalasut
ukioq manna januaarimi nakkutilliiartornerisa kingorna, Polar Salmon
Hjerting Laksip Esbjergimittup 2023-24-mi aalisagarpassuarnik
tunisaqarnerata kingorna paasisaqarnerup kingorna pivoq.
Misissueqqissaarnerit qulingiluanit marluk listeriaqarneranik
takutitsipput.
Suliat
taamaattut, suliffeqarfiit inuussutissanik suliaqartut
eqqartuunneqarnerannut tunngasut, taamaaliornerup akiliisitsinikkut
iluanaarutinillu arsaarinniffigineqarnikkut akisusinnaasarnera
takutippaat.
- Politiinut suliassanngortitsinitsinnut atatillugu suliani aalajangersimasuni pineqaatissiinissamut inassuteqaativut oqaaseqarfigineq ajorpagut, tamannami naggataagut unnerluussisussaatitaasunit eqqartuussivinnillu pineqaatissiinikkut aalajangerneqartussaammat, Michael Rosenmark, Fødevarestyrelsimi angalaartunut pisortaq Sermitsiamut oqarpoq.
Januaarimi
2025-mi suliffeqarfik nerisassanik inuussutissanik neriinnarissanik
listerialinnik navianartunik utertitsisimannginnera pillugu
politiinut unnerluutigineqarpoq, tassani Fødevarestyrelsimut
ilisimatitsisimannginnera ilanngullugu.
Styrelsi:
- Nerisassanik inuussutissanik navianartunik nittarsaassineq
Suliffeqarfiup
ilaatigut kapisillit 1.388 kiilut assigiinngitsunik meqqillit
pisisartumut ataatsimut tunisimavai. Tamatumalu saniatigut Hjerting
laksip poortukkat 3.000-t nioqqutissanik qerisunik katillugit 3.200
kiilunik imaqartut pisisartumut tunisimavai.
- Suliffeqarfik nerisassanik inuussutissanik navianartunik nittarsaassisoq Fødevarestyrelsi naliliivoq, taannami Listeriaqartoqarneranik paasisanut iliuuseqarsimanngimmat. Suliffeqarfiup misissuinerit uppernarsaataat listeriaqartoqarnerannik takutitsisut pisinnaasimallugillu ilisimasaqarfigai, taamaattorli utertitsisimanani Fødevarestyrelsimullu ilisimatitsisimanani, taama styrelsip januaarimi nakkutilliiartornerani nalunaarummi allassimasoqarpoq.
Februaarimi
Polar Salmon Hjerting Laks aammaarluni politiinut unnerlunneqarpoq.
Suliffeqarfik
Danmarkimi kapisilinnik tunisassiortuni pilersuisunilu annerpaat
ilaatut naatsorsuunneqarpoq.
Fødevarestyrelsip
nalinginnaasumik assersuutigalugu nerisassanik inuussutissanik
utertitsinnginnermik unioqqutitsinerni nalinginnaasumik 30.000 –
40.000 koruuninik akiliisitsisartoq, Michael Rosenmark
paasissutissiivoq.
- Suliffeqarfik mikisoq pineqartillugu akiligassiissutit affaannanngortinneqartarput, suliffeqarfiillu angisuut pineqartillugit akiligassiissutit sulisut amerlassusaat apeqqutaatillugu 50 imaluunniit 100 procentimik ilassuseqarneqartarput.
- Suliassanik unioqqutitsinerit iliuuseqanngitsoornerilluunniit akiligassanit annertunerusunik annertuumik iluanaaruteqarfigineqarsimanerannik nalaassisarpugut. Taama pisoqartillugu politiinut unnerluussisarpugut, Michael Rosenmark oqaluttuarpoq.
Akiligassiissutit
angisuut
Styrelseip
malitassiaani akiligassiissutit iluanaarutitulli annertutigalutillu,
iluanaarutit tamakkiisut arsaarinnissutigineqartarnerannik politiinut
eqqartuussivinnullu innersuussisoqartarpoq. Suliffeqarfiit
aningaasarpassuarnik iluanaartillugit, styrelsip iluanaarutit
marloriaataat anguniartapaa, taanna oqaluttuarpoq.
- Tassa 100.000 koruuninik iluanaarsimagaanni, politiit 100.000 koruuninik akiligassiillutillu, 100.000 koruuninik allanik arsaarinninnissaat politiinut innersuussutigisarparput, nioqqutissalerisut angalasut pisortaat oqarpoq.
Taamaammat
100.000 koruuninik akiligassinneqarsimagaanni, arsaarinnissutit
ilanngullugit 200.000 koruuninik akiliisoqartarpoq, taamaalillunilu
iliuuserineqartoq niuvernipalaanngortarpoq.
Suliffeqarfimmilu
pisortat aamma eqqorneqarsinnaasarput:
- Inuk suliffeqarfimmi pisortatut atorfilik unioqqutitsinissamik iliuuseqannginnissamilluunniit peqqusisimasoq pasinaraangat, nalinginnaasumik inuup suliffeqarfimmiittup unioqqutitsinernut inuttut akisussaatillugu pillarneqarnissaa politiinit eqqartuussivinnillu isummerfigineqassasoq nalinginnaasumik qinnutigisarparput, Michael Rosenmark oqarpoq.
Polar
Salmon Hjerting Laksip qanoq annertutigisumik akiliisinneqarnissaanik
Fødevarestyrelsi innersuussinersoq taassuma oqaatigiumanngilaa.
- Suliffeqarfiit tamakkunannga aviisini atuarnerminni paasisaqannginnissaannik malitassaqarpugut. Suliat eqqartuussivinnut tunniunneqaraangata/tunniunneqassappata, suliffeqarfiit tamanna paasisarpaat, Michael Rosenmark oqarpoq.
