Hotel Arctic akunnittarfimmik nutaamik sananiarpoq
Ilulissani akunnittarfik akikinneq suliarineqalerpoq.Hotel Arcticip, akunnittarfini nutaaq 2025-p naalerneraniammaanersiorneqarnissamut piareertussaq,ilusilersortussanngorpaa.
![– Ilulissani akunnittarfissami akikinnermi inimi ataatsimi unnuineq 799 - 1299 koruunit akornanniakeqassaaq, ullaakkorsiorneq ilaalluni. Takornariat, sulinerminnut atatillugu angalasutnunaqavissut sisamanik ullorialimmi ikkunni unnuinissamik akissaqanngitsutakunnittarfissami akikinnerusumi unnuinissartik toqqarsinnaanngussavaat, Morten Nielsenoqarpoq. Hotel Arctic](https://image.sermitsiaq.ag/476881.webp?imageId=476881&width=960&height=518&format=jpg)
Hotel Arctic Ilulissani akunnittarfimmik nutaamik sananiarpoq. Akunnittarfiup 2025-p naalernerani naammassinissaa naatsorsuutigineqarpoq. Init marluuttarissat 164-t 150 - 200 millionit koruunillu akornanni akeqassapput.
Hotel Arcticip pisortaata Morten Nielsenip aviisimut Sermitsiamut oqaluttuaraa.
Akunnittarfik, akikinnerusutut taagorneqartussaq, pingasunik quleriiaalik unnuisarfeqarluni, saaffiginnittarfeqassaaq sutorniartarfeqarlunilu.
Ilulissat ukiuni makkunani takornariaqarnikkut siariartupiloorpoq. Mittarfissuaq nutaaq 2025-p naanerani atulerpat takornariat amerleriaqqinnissaat naatsorsuutigineqarpoq.
– Akunnittarfiup nutaap sananissaa aalajangerparput Ilulissani unnuiffissanik, ingammik aasakkut, amigaateqartoqartarmat, Morten Nielsen oqarpoq. Illoqarfimmi unnuisarfinnik akikinnernik peqannginnera, nunaqavissut aqqusaartillutik unnuissagaangamik akissaqarfigisaannik, nassuerutigaa.
Mittarfissuaq ammarpat, Air Greenlandip timmisartorsua 300-t sinnerlugit ilaasoqarsinnaasoq ajornartorsiuteqarluni silarlunneranilluunniit ingerlariaqqinnaveerpat, unnuisarfinnik amerlanerusunik pisariaqartitsisoqalissasoq pisortap tikkuarpaa.
Aviisimi Sermitsiami atuarnerusinnaavutit. Aviisi uani pissarsiariuk: