Hotelini unnuinerit amerlisut
Kalaallit Nunaata Naatsorsueqqissaartarfianit kisitsisit nutaat takutippaat unnuisartut 2006-imi 77.000-iniit 2007-imi 83.000-inut amerleriarsimasut.
Unnuisartut ataatsimut isigalugu amerleriarsimagaluartut nunatta kujataani illuatungaanut ikileriarsimapput.
– Tamatumunnga nassuiaataavoq, Qorlortorsuarmi erngup nukinganik nukissiorfiliornerup sananeqarnerata naammaasineqarnera, sananeqarnerani annermik sulisut islandimiut atorneqarsimagamik. Islandimiut sulisartut taqqavani unnuisarfiit inissisimaffittut atorsimavaat, taamalu 2005-imi 2006-imilu unnuisartut amerleriarujussuarnerannut peqqutaaqataasimallutik, Kalaallit Nunaanni Naatsorsueqqissaartarfik nalunaarpoq.
Qeqertarsuup Tunuani takornariartartut amerliartornerat ingerlaannarpoq, unnuisut amerlassusiat 15 procentimi qaffassimalluni.
Kalaallit Nunaanni Naatsorsueqqissaartarfiup kisitsisaataasa takutippaat ataatsimut isigalugu unnuisartut amerleriarnerannut amerlanertigut peqqutaasoq kalaallit isumasioqatigiinnernut peqartaanermut atatillugu hotelini unnuisarsimanerat.
Qallunaat unnuisartut amerlassusiat ukiumut siulianut sanilliullugu taamaaginnapajaarpoq, Danmarkimiit tikittut 27.000-iusumallutik.